«Astana Operada» üzdik käsibi jetistikteri men eleuli shyğarmashylyq tabystary üshin jekelegen öner qairatkerleri men ūjymdardy qoldauğa bağyttalğan baiqauğa qatysuğa ötinimderdi qabyldau bastaldy. 2022 jyldyñ jeñimpazdaryn marapattau saltanatty jağdaida 23 jeltoqsanda «Astana Operanyñ» Ülken zalynda ötedi.

Ötinimderdi qabyldau baiqauğa qatysushylardyñ barlyq qajetti qūjattaryn teatrdyñ resmi saitynda körsetilgen poshtağa jinau arqyly jüzege asyrylady. «Umai» syilyğy tört negizgi atalymda ūsynyldy: «Teatr öneri», «Muzykalyq-oryndaushylyq öner», «Horeografiyalyq öner», «Beineleu jäne sändik-qoldanbaly öner», olardyñ ärqaisysynda öz syilyqtary anyqtalğan.

«Teatr öneri» atalymyna jeti jeke syilyq endi: «Opera öneri» (operadağy er jäne äiel partiyasy üshin), «Akterlik sheberlik» (dramalyq nemese muzykalyq-dramalyq spektaklder: operetta, miyzikl, rok-opera, muzykalyq komediyadağy er jäne äiel rölderi üshin), «Töltuma rejissura», «Spektakldiñ biregei körkemdik bezendirilui», «Üzdik muzykalyq-dramalyq spektakl». 

Tağy 3 syilyqty «Muzykalyq-oryndaushylyq öner» atalymyndağy jeñimpazdar alady: «Üzdik dästürli oryndaushy (än aitu)», «Üzdik dästürli oryndaushy (aspapshy)», «Üzdik muzykalyq ansambl (klassikalyq/halyq)». 

«Horeografiyalyq öner» atalymynda bes aqshalai jülde anyqtaldy. Olar kelesi atalymdarda beriledi: «Üzdik bi ūjymy» (halyq, zamanaui jäne Estradalyq bi ansambli), «Balettegi üzdik oryndaushy» (er/äiel balet solisi), «Üzdik horeograf», «Üzdik balet spektakli».

«Beineleu jäne sändik-qoldanbaly öner» atalymy «Üzdik sändik-qoldanbaly öner tuyndysy» üshin syilyq alatyn qolöner sheberlerine arnalğan, al «Beineleu jäne sändik-qoldanbaly öner» atalymynyñ eki syilyğyna körkem suretshi-grafika ökiliniñ jūmysy, sondai-aq zamanaui önerdegi (perfomanstar, instalyatsiyalar, art-nysandar jäne t.b.) joba ie bolady.

Būdan bölek, «Umai-2022» syilyğy ayasynda Qazaqstandağy Balalar jylyna orailastyrylğan «Üzdik balalar spektakli üshin» arnaiy syilyğy bäigege tigildi.

– Baiqaudyñ basty maqsaty otandyq mädeniet pen önerdiñ körnekti ökilderiniñ shyğarmashylyq jetistikterin damytu jäne däripteu bolyp tabylady, – dep atap ötti «Astana Opera» direktory, Qazaqstannyñ eñbek siñirgen qairatkeri Ğalym Ahmedyarov. – Onyñ qorytyndysynan biz jaña shyğarmashyl tūlğalardyñ esimderi, otandyq mädeniet pen önerdi damytudyñ jañashyl ürdisiniñ paida boluyn kütemiz. Sondai-aq syilyq Qazaqstannyñ teatr, muzyka, horeografiya, beineleu jäne sändik-qoldanbaly öner salasyndağy üzdik dästürlerdi arttyru jäne saqtauğa mümkindik tuğyzuğa, sheberlikterin yntalandyruğa, sonymen qatar Qazaqstannyñ körnekti mädeniet jäne öner qairatkerleri men elimizdegi jasampaz jobalarğa jūrtshylyqtyñ, onyñ ishinde halyqaralyq mädeni qauymdastyqtyñ nazaryn audartuğa bağyttalğan.

2022 jyly ūjymdarmen qatar, oryndaushylar da eki teatrlyq (kontserttik) mausym: 2020 jyldyñ qyrküiegi – 2021 jyldyñ shildesi, 2021 jyldyñ qyrküiegi – 2022 jyldyñ shildesinde atqarğan jūmystary üshin syilyqtyñ nominanttary bola alady.

Aita ketu kerek, irikteudi ötkizetin ūiymdastyru komiteti men saraptau komissiyasynyñ qūramy äldeqashan anyqtaldy. Oğan öner salalaryndağy tanymal tūlğalar endi, olardyñ aldynda üzdiktiñ arasynan eñ üzdigin tañdau mindeti tūr. Baiqauğa ötinimderdi qabyldau 9 jeltoqsanğa deiin jalğasady.

Syilyqty aluğa Qazaqstan Respublikasynyñ halyqaralyq jäne respublikalyq baiqaulardyñ, festivalder men körmelerdiñ laureattary bolyp tabylatyn azamattary, sondai-aq qyzmetteri Qazaqstannyñ mädenieti men önerin damytuğa yqpal etetin jäne innovatsiyalyq sanalatyn kandidattar ümittene alady. Nominanttardy ūsynudy respublikalyq, öñirlik nemese jergilikti bilik organdary, mädeniet ūiymdary, ükimettik emes ūiymdar jäne qoğamdyq birlestikter, shyğarmashylyq odaqtar men qauymdastyqtar, mädeniet pen öner salasyndağy oqu oryndary jürgize alady.

Syilyq jönindegi qosymsha aqparatty tömendegi telefondar boiynsha aluğa bolady:

Ūiymdastyru komiteti: +7 7121 709 628

Teatr öneri: +7 7172 709 588

Horeografiyalyq öner: +7 7172 709 597

Muzykalyq-oryndaushylyq öner: +7 7172 709 597

Beineleu jäne sändik-qoldanbaly öner: + 7 7172 709 628

Email: umaiastanaopera@gmail.com

https://astanaopera.kz/about/media/1144

Aqparatty ūsynğan «Astana Opera» Memlekettik opera jäne balet teatrynyñ  baspasöz qyzmeti.