Qazaqstan Respublikasy Mädeniet jäne aqparat ministrliginiñ qoldauymen 29 mamyr küni Roza Bağlanova atyndağy «Qazaqkontsert» memlekettik akademiyalyq kontserttik ūiymynda «FOLK SHOW» kontserti ötti.

Jobanyñ avtory äri dirijeri Ädilet Azbaevtyñ jetekshiligimen «Astana sazy» Qazaq memlekettik folklorlyq ansambli, Qazaq memlekettik simfoniyalyq orkestriniñ ärtisteri, «G band» toby, «Gülder» ansambliniñ ärtisteri jäne «Qazaqkontserttiñ» özge de tanymal önerpazdary öner körsetti.

Kontsert barysynda qazaqtyñ tanymal änderi jaña formatta oryndalyp, bir bağdarlama ayasynda älemdik shyğarmalar men kino saundtrekteri de ūsynyldy.

Repertuarğa «Adai», «Mahambet», «Balalyq shaq», «Mahabbat beketi» jäne «Taxi», «Pirates of the Caribbean», «Troya», «Gladiator» filmderiniñ saundtrekteri endi.

«FOLK SHOW» jobasy kontserttik mausymnyñ mañyzdy oqiğalarynyñ biri boldy.

Aita keteiik, 27 mausym küni «Qazaqkontserttiñ» 65-kontserttik mausymynyñ jabyluyna arnalğan Gala-kontsert ayasynda «Folk Show» bağdarlamasy keñeitilgen formatta qaita ūsynylady.