Elimizdiñ asa bedeldi Qūrmanğazy atyndağy XII Respublikalyq halyq aspaptarynda oryndaushylar konkursynda Roza Bağlanova atyndağy «Qazaqkontsert» memlekettik kontserttik ūiymy «Astana sazy» memlekettik folklorlyq ansambliniñ ärtisteri Daryn Qūdaibergen (dombyra) men Ayaulym Jumkenova (sherter, prima-dombyra) qatysyp, oq boiy oza shauyp, ekeui eki nominatsiyada 1 oryn ielengenin süiinshileimiz.
2023 jyldyñ 9-14 qazan künderi QR Mädeniet jäne aqparat ministrliginiñ qoldauymen Qūrmanğazy atyndağy Qazaq ūlttyq halyq aspaptary orkestriniñ ūiymdastyruymen Almaty qalasynda Qūrmanğazy atyndağy XII Respublikalyq halyq aspaptarynda oryndaushylar konkursy ötkizilude. Ūlt mädenietiniñ asyl qazynasyna ölsheusiz üles qosqan, älemdik deñgeige shyğarğan öner iesi, qazaq halqynyñ bağyna bitken däulesker küishi Qūrmanğazynyñ esimin düiim jūrtqa nasihattap, onyñ qaldyrğan öshpes mūralaryn jañğyrtuğa arnalğan konkurs 1987 jyldan beri dästürli türde ötip, biyl Qūrmanğazy atyndağy Qazaq ūlttyq halyq aspaptar orkestriniñ 90 jyldyq mereitoiymen säikes kelip otyr.
Äriptesterimizdi asa joğary marapattarymen qūttyqtai otyryp, öner äleminde tek joğarydan körinulerin tileimiz.
Qūttyqtaimyz!