«QAZAQSTAN» ortalyq kontsert zaly – türli formattağy is-sharalardy ötkizuge arnalğan älemdegi eñ ülken kontserttik zaldardyñ biri. Erekshe ğimarattyñ säuletishisi – belgili italiyalyq arhitektor Manfredi Nikoletti. Avtor öziniñ üzdik tuyndysyn «Dala güli» dep atap ketken.  Ğimarattyñ syrtqy sūlbasy da endi ashylyp kele jatqan dala gülin közge elestetedi. Älemdegi eñ ädemi säulet qūrylystarynyñ biri – «QAZAQSTAN» OKZ 2019 jyly öziniñ 10 jyldyğyn atap ötti.

«QAZAQSTAN» OKZ  öziniñ köpfunktsionaldyğymen jäne qaitalanbas akustikasymen tañğaldyrady. Zaldyñ kez kelgen nüktesinen sahna aiqyn körinedi. Estetika men akustikanyñ joğary deñgeii – kontsert zalynyñ basty artyqshylyğy. Osylaisha būl zal älemdik shyğarmashylyq keñistiktiñ bir böligine ainaldy. Mūnda otandyq ärtister men shyğarmashylyq ūjymdar, sonymen qatar ataqty sheteldik öner jūldyzdary da öner körsetedi.