3 500 orynǵa arnalǵan Úlken kontserttik zal óziniń biregeı sáýlet jáne akýstıkalyq sıpattarymen erekshelenedi. 

    Bul zaldy transformer dep te ataıdy. Sebebi jeke ilinetin perdeler arqyly zal vızýaldy túrde kishireıe alady. Arnaıy perde zaldyń joǵarǵy deńgeıi – galereıány, sonymen qatar úshinshi deńgeı – balkonnyń birneshe sektoryn bólip tastaıdy. Osylaısha 3 500 orynǵa arnalǵan zal, ońaılyqpen 2 000 oryndyq zalǵa aınala alady. Qazaqtyń ulttyq dombyra mýzykalyq aspaby úlgisinde jasalǵan kórermen zaly nemese atrıým sımfonııályq nemese estradalyq kontsert, kınokórsetilim ótkizýge beıimdele alady.

    Atrıým ishki jáne syrtqy jaǵynan akýstıkalyq erekshelikti aıqyndaı túsetin arnaıy aǵashpen qaptalǵan. Tipti kontsert zalynyń edeni joǵary tozýǵa tózimdi arnaıy parketpen jasalǵan jáne asa beıneli akýstıkalyq beıimdilikpen jatqyzylǵan. 

    Zaldaǵy erekshe oryndardy biri – sahna (ауданы 274 kv.м.). Ol eki bólikten turady. Aldyńǵy bóiligi orkestrge arnalǵan  jáne onda orkestr úshin arnaıy shyǵatyn esikter bar. Sahnanyń artqy bóliginde horǵa arnalǵan 7 hor qabaty ornalasqan. Orkestrlik shuńqyrdyń tereńdigi 4,5 m-ge jetedi. Sahnany kópfýnktsıonaldy, jalǵyz dıstantsıondy pýlt arqyly bir adam basqara alady.

    Sahnanyń ústinde, onyń eń ortalyq núktesinde jalpy qýaty 25 kılovatt «Renkus-Heinz» amerıkandyq fırmasynyń dybystyq klassteri ornalasqan. Zaldyń perımetri boıynsha 12 kolonka ornalasqan, olar dybysty týra barlyq front boıynsha taratady jáne ár sektorǵa jetkizedi. 

    Akýstıkalyq júıeniń maqtanyshy arnaıy ıtalıán tehnologııásy boıynsha jasalǵan, mindeti ártúrli burysh kólbeýlerin ala otyryp, kontserttiń akýstıkalyq dybystalýyn tolyq jetildirýge arnalǵan 22 úlestirgish-gúl japyraǵy túrindegi rettegishter de bar. Eger qabyrǵaǵa nazar aýdaratyn bolsaq, onda arnaıy akýstıkalyq tartylý men dybysty keri ıterý áseri bar qabyrǵalyq perdelerdi kórýge bolady. Perdelerdi basqarý arnalǵan baǵdarlamasy bar jeke kompúter arqyly júzege asyrylady. Dybysty qabyldaýdy jaqsartý úshin arnaıy akýstıkalyq qondyrma kontsert zalynyń kreslolarynyń tómengi jaǵynda ornalasqan. 

    14h8 metr kólemdi keń formatty ekrannyń bary beıneni kez kelgen formatta, sonyń ishinde eń aldyńǵy qatarly – Blue Ray formatynda kórsetý múmkindigimen ártúrli kınokórsetilimder men beıne-prezentatsııálardy ótkizýge arnalǵan. Lúks sanatty jaryq quraldary 400 ártúrli jaryq konfıgýratsııálaryna ıe jáne eń batyl jaryq ıdeıálaryn júzege asyrýǵa múmkindik beredi.