Otandyq mädeniettiñ kösh basyndağy eñ iri muzykalyq ūiym – «Qazaqkontsert» memlekettik kontserttik ūiymy 2020 jyly öziniñ 60 jyldyq mereitoiyn atap ötedi.

Jarty ğasyrdan astam tarihy bar Qazaqkontsert 1960 jyly 25 säuirde Qazaq KSR Ministrler keñesiniñ №728 būiryğymen qūrylğan. Ülken ūiymnyñ qūryluyndağy alğashqy qadamdar qazaq mädenietiniñ tarihyna esimderi altyn ärippen jazylğan ärtisterdiñ shyğarmashylyq qyzmetimen tyğyz bailanysty. «Qazaqkontsert» memlekettik gastroldik-kontserttik birlestiginde Shara Jienqūlova, Jamal Omarova, Jüsipbek Elebekov, Räbiğa Esimjanova, Jappas Qalambaev, Güljihan Ğalieva, Ğarifolla Qūrmanğaliev, Roza Bağlanova, Mağauiya Hamzin syndy dañqty önerpazdar eñbek etken.

Keiin kele olardyñ qataryna Äzidolla Esqaliev, Erkeğali Rahmadiev, Sūltanğali Shükirov, Güljan Talpaqova sekildi belgili ärtister qosyldy. Olardyñ jarqyn izin Sara Tynyshtyğūlova, Altynbek Qorazbaev, Roza Rymbaeva, Jeñis Seidullaūly, Maqpal Jünisova, Aijan Nūrmagambetova, Erlan Rysqali, Azamat Jeltyrguzov, Möldir Äuelbekova  t.b. sahna maitalmandary jalğastyryp jür.

Osy  uaqyttyñ ishinde alar asuyn aiqyndap, talai shyñdy bağyndyrğan «Qazaqkontsert» ūiymy büginde otandyq önerdiñ biregei ortalyğyna, mädeniet salasyndağy ūlttyq brendke ainalğan.

Qazaq muzykalyq öneriniñ qarashañyrağy üshin būl kontserttik mausym airyqsha beles bolmaq. «Qazaqkontsert» ūiymynda qazirgi uaqytta eñbek etip jürgen ärtister men öner ūjymdary mereitoilyq jyldyñ ayasynda körermenderdi jaña kontserttik bağdarlamalarmen, keremet premeralar jäne tyñ qoiylymdarmen quantpaq.