«Qazaqkontserttiñ» jas körermenderin Jaña jyl merekesine tamasha syilyq kütip tūr! 2022 jyldyñ 14-15 jeltoqsan künderi,  2023 jyldyñ 5,6,7 qañtar künderi Balalar jylyna orai QR Mädeniet jäne sport ministrliginiñ qoldauymen Qazaqstandağy jäne Ortalyq Aziyadağy tūñğysh «ASTANA MUSICAL» memlekettik muzykalyq teatry jas körermenderge arnap jaña premera – «Aldar Köse» miyziklin ūsynady.

Qoiylymnyñ siyjetinde qazaq halqynyñ jarqyn, qyzyqty jäne tağylymdy körinisi bayandalady. Sondai-aq, miyzikl halyq batyrynyñ mäñgilik beinesin jasauğa, myqty tūlğa retinde qalyptastyruğa, adamgershilik-ruhani qūndylyqtardy, danalyq pen tapqyrlyqty däripteuge bağyttalğan. Basty keiipker kedeilerdi zūlymdyq pen sarañ bailardan qorğap jüredi. Äri shapshañ, äri jüirik Aldar köse ünemi qiyn jağdailardan shyğyp ketuge tyrysady. Būl joly oqiğa keiipkerine ülken jauapkershilik jükteledi, öitkeni halyqty Tağai hannyñ ädiletsiz biliginen aman alyp qaluy tikelei özine bailanysty. Ol barlyq qiyndyqty jeñe ala ma, ötkir aqyly men eptiligine būl joly senim arta ala ma?..

Basty rölderde Bekzat Bağytjanov, Medet Rahymbergen oinaidy.

Miyzikldiñ qoiyshy-rejissery – «Astana Musical» memlekettik teatrynyñ körkemdik jetekshisi Esläm Nūrtazin, qoiylymnyñ avtorlary – Efrat Sharipov, Shyñğys Maman, Esläm Nūrtazin, Ännäs Bağdat, kompozitor – Erbol Narimanūly, Aqjol Ömirzaqov, «BN team» Estrada-simfoniyalyq orkestr jetekshileri – Berik Batyrhan, Ernar Nūrtazin.

Aldar Kösemen birge ertegi älemin ashyñyz!