Tynda.music ұжымы ұлы кинокомпозитор Ханс Циммердің шығармашылығына арналған жаңа бағдарламаны симфониялық оркестрдің орындауында ұсынады.

Ханс Циммер — фильмдерге жазған музыкасымен әлемге танылған неміс кинокомпозиторы. Ол киноиндустриядағы ең жаңашыл композиторлардың бірі ретінде мойындалған. Оның шығармалары электронды музыканың элементтерін дәстүрлі симфониялық оркестрдің әуенімен шебер үйлестіруімен ерекшеленеді.

Композитордың музыкасы көптеген фильмдердің айрықша белгісіне айналды. «Интерстеллар», «Арыстан патша», «Бастау», «Кариб теңізінің қарақшылары», «Шерлок Холмс», «Қара рыцарь» фильмдерінің атауын естіген сәтте-ақ олардың әуендері еске түседі. Бұл — Ханс Циммердің ерекше талантының нәтижесі.