Жаңа жылды әндетіп қарсы алыңыз!

Қазақконцерт сіздерді мерекелік күндеріңіздің ең жарқын естелігіне айналатын ғажайып жаңа жылдық концертке шақырады!

Кеште сазы мен салтанаты келіскен «SAZ AND SOUL» тобының сиқырлы әуендері, аты аңызға айналған «GULDER» ансамблінің керемет музыкалық композиялары, сондай-ақ таңғажайып хореографиялық қойылымдары бір сахнада тоғыспақ.

Концертте «Дарын» мемлекеттік жастар сыйлығының лауреаттары Әлібек Әлмадиев, Әділхан Макин, халықаралық және республикалық байқаулардың лауреаттары Салтанат Меңдіғалиева, Гүлнәр Көшенова, Сұлтан Ахмет, Жанна Сандыбаева, Дидар Әбдухалық, Қуандық Шалқарұлы, Меруерт Тұрсынбек, Анна Уварова секілді Қазақконцерттің солистері өнер көрсетеді.

Мерекелік бағдарламада өнерпаздар «Жаңа жыл», «Мәңгі махаббат» және т.б. қазақ музыкасының кеңінен таралған әндері мен миллиондаған тыңдарманның жүрегінен орын алған «Jingle Bells», «Let It Snow», «Happy New Year», «Mr.Sadman», «All I want for Christmas», «5 минут», «Проснись и пой», «Снег идет» сынды әлемдік танымал туындыларды шырқайды.

Әрбір әуені сиқырға толы, ерекше мерекелік жылулық сыйлайтын Қазақконцерт жұлдыздарының жаңа жылдық концертінен қапы қалмаңыз!