«Роза Бағланова атындағы «Қазақконцерт» мемлекеттік концерттік ұйымында «LIGHT, SOUND & MULTIMEDIA» атты Қазақстан Республикасы мәдениет қызметкерлерінің бірінші кәсіби конференциясы болып өтті.

17-18 шілде күндері «Idea hub» ЖШС арнайы мәдениет қызметкерлері үшін заманауи технологияларға қатысты қызықты дәрістер мен шеберлік сабақтар ұйымдастырды. Іс-шараға мекеме басшылары, техникалық менеджерлер, дыбыс бөлімінің меңгерушілері, дыбыс инженерлері, жарық беру мамандары, жоба жетекшілері, сахна қызметкерлері мен инженерлер тәжірибе алмасып, қазақстандық креативті индустрияның даму ерекшеліктерін талқылады.

12 спикер конференцияға қатысушыларға топтық жұмыстың кейбір құпияларын ашып, театрды жаңаша жарықтандыру ісі, дыбыстық жазу және мультимедиялық шешімдер саласындағы 25 тақырыптық зерттеулерді ұсынды. Бейресми оқыту барысында мамандар креативті контент құру, сахналық жарықтандыруды басқару, бейне графика, цифрлық безендіру, жарықтандыру дизайны, спектакльдер мен концерттік қойылымдарды бейнетрансляциялау және бейне түсіру ерекшеліктеріне қатысты қажетті білім алды.

Жарық беру бойынша дизайнер Антон Поляков өз сөзінде кешеннің сахнасына қажетті арнайы жарықтандыру құрылғыларының ерекшеліктерін атап өтті. Микрофон жүйелері және сымсыз технологиялар бойынша инженер Андрей Михеев шараға қатысушыларға миниатюралық аспа, сәндік және едендік микрофондарды пайдалану туралы айтып берді. Бренд менеджері Александр Гнатюк жабдықты пайдалануда 3D проекциялары қалай жасалатынын мәлім етті.

Осыған ұқсас жобаларға қатысу трендте болуға және соңғы ғылыми-техникалық прогресс туралы білуге ​​мүмкіндік беретінін атап өткен жөн. Бұндай іс-шаралар өз кезегінде платформаға байланысты саланың жұмысын кеңінен атқаруға, жаңа фактілермен және аналитика мәселелерін түсінуге, сондай-ақ, команда жинау үшін кәсіби қоғамдастық атмосфераны толықтыруға мүмкіндік береді.