Qazaqstan Respublikasynyñ AQSh-tağy Elshiligi Ortalyq Aziya elderiniñ, Äzerbaijannyñ, Türkiyanyñ Elshilikterimen jäne Amerikanyñ diplomatiya qyzmetiniñ düniejüzilik qauymdastyğymen birlesip AQSh Memlekettik departamentinde Nauryz meiramyn atap ötudi jäne qalanyñ iri alañdarynyñ birinde «Tūran» tobynyñ kontsertin ūiymdastyrdy. 

Memlekettik departamentte ötken sharada qonaqtarğa kontserttik bağdarlama, qolöner būiymdarynyñ körmesi, sondai-aq dästürli ūlttyq tağamdar tartu etildi. Qūttyqtau sözdi AQSh Memlekettik hatshysynyñ orynbasary Vendi Sherman, AQSh Qorğanys ministri kömekshisiniñ Auğanstan, Päkistan jäne Ortalyq Aziya boiynsha orynbasary Rebekka Zimmerman jäne AQSh Halyqaralyq damu agenttigi (USAID) direktory kömekshisiniñ orynbasary Andjali Kaur ūsyndy. 

Mädeni bağdarlama ayasynda Roza Bağlanova atyndağy «Qazaqkontsert» memlekettik kontserttik ūiymynyñ «Tūran» Etno-folklorlyq ansambliniñ solisteri AQSh-qa Elshiliktiñ shaqyruymen älemdik turne ayasynda kelgen bolatyn. Zamanaui qoiylymdağy köne ūlttyq muzykalyq aspaptarda virtuozdyq oiyn men köne kömei än öneri amerikalyq isteblishment ökilderiniñ qoshemetine bölendi. 

Sol küni QR Elshiligi «Tūran» tobynyñ ülken kontsertin ūiymdastyryp, oğan 500-den astam adam tirkeldi. Qobyz, jetigen, sherter, dañğyra, orteke, sybyzğy, t.b 30-dan astam ūlttyq muzykalyq aspaptarda köpshiliktiñ köñilinen shyqqan tuyndylaryn oryndağan önerpazdardy qazaq diasporasy men amerikalyq tyñdarmandar jyly qarsy aldy. 

Köne ūlttyq än men muzykalyq önerdi jaña ünmen pash etken qazaq toptyñ önerin körermender ystyq yqylaspen qarsy aldy. Kontsert mañyzdy mädeni oqiğağa ainalyp, onyñ ayasynda jergilikti tūrğyndar elimizdiñ bai mädenieti men mūrasymen tanysuğa mümkindik aldy. 

https://www.gov.kz/memleket/entities/mfa/press/region-news/details/12715?lang=kk