UMAI syilyğynyñ saltanatty räsimin Mädeniet jäne sport ministri Däuren Abaev ashyp, baiqaudyñ barlyq qatysushysyn qūttyqtap, öner salasynyñ ökilderine ülken shyğarmashylyq jolda jaña jetistikter tiledi. Jalpy, 19 laureat UMAI müsinshesi men aqshalai syilyqtarğa ie boldy.

«Elimizde tūñğysh tağaiyndalyp otyrğan UMAI ūlttyq syilyğynyñ jeñimpazdaryn, öner salasyndağy jyl üzdikterin anyqtauğa arnaiy jinalyp otyrmyz. «Ūmai» ūlttyq syilyğy – sahna arqyly sanağa töñkeris jasaityn, jürekterden izgilik izdeitin nağyz öner maitalmandaryna arnalğan. Özderiñiz bilesizder, kez kelgen adam kündelikti küibeñnen özin tek teatr, bi, suret, muzyka, ädebiet arqyly ğana qūtqarady. Sondyqtan, būl premiyanyñ mañyzy biz oilağannan äldeqaida tereñde dep sanaimyn. Barsha jeñimpazdardy shyn jürekten qūttyqtaimyn!», - dedi Däuren Abaev.

Aita keteiik, jeñimpazdardy komissiya müsheleri anyqtady. Barynsha ädil törelik jasau maqsatynda qazylar alqasynyñ esimderi soñğy sätke deiin qūpiya bolyp qaldy.

Sonymen, syilyqtyñ laureattary:

«Teatr öneri» nominatsiyasy boiynsha:

«Opera öneri» – erler partiyasynyñ üzdik oryndaushysy – «Astana Opera» jetekshi solisi, Roza Bağlagova atyndağy "Qazaqkontsert" MKŪ solisi Medet Shotabaev (Kavaradossi partiyasy, «Toska», Dj. Puchchini). Äielder partiyasynyñ üzdik oryndaushysy – «Astana Opera» jetekshi solisti Jūpar Ğabdullina (Aida partiyasy, «Aida», Dj. Verdi);

«Akterlik sheberlik» – Üzdik er adam röli üshin syilyqty Ğalymbek Ospanov aldy (Genri Higginstiñ röli, B.Shoudyñ «Meniñ süiikti perishtem» pesasy boiynsha, rejisseri – A.Orazbekov, Mūhtar Äuezov atyndağy Qazaq Ūlttyq akademiyalyq drama teatry). Üzdik äiel röli üshin syilyqty Olga Korjeva aldy (Marina Tsvetaevanyñ röli, «ARS Amandi. Mahabbat öneri». Rejisseri - G. Efimova, N. Sats atyndağy balalar men jasöspirimderge arnalğan memlekettik akademiyalyq orys teatry);

«Üzdik rejissura» – V.Shekspirdiñ «Korol Lir» qoiylymy üshin Farhat Moldağali. Ğ. Müsirepov atyndağy balalar men jasöspirimderge arnalğan Qazaq memlekettik akademiyalyq teatry;

«Spektakldiñ üzdik körkemdik bezendirilui» - Sofya Tasmağambetova, Pavel Dragunov. E. Rahmadievtiñ «Alpamys» operasy, «Astana Opera»memlekettik opera jäne balet teatry;

«Üzdik muzykalyq-dramalyq spektakl» - «Börte» D. isabekov. Türkistan muzykalyq-drama teatry.

Bes syilyq «Horeografiya öneri» nominatsiyasynda anyqtaldy:

«Üzdik bi ūjymy» - «Aqqu» bi ansambli. Jetekshisi-Gülnara Mambetova. «Ene tärbiesi» bii. Ğaziza Jūbanova atyndağy Aqtöbe oblystyq filarmoniyasy;

Balettegi Üzdik oryndaushy» – Üzdik solist-Ainūr Äbilğazina, «Astana Balet» teatry. Üzdik solist-Azamat Asqarov. Abai atyndağy Qazaq Ūlttyq akademiyalyq opera jäne balet teatry;

«Üzdik horeograf» - Mūqaram Äbubahrieva, «Sūltan Beibarys» baleti. «Astana Balet» teatry.

«Üzdik balet qoiylymy» - «Dala qoñyrauy». 2 bölimnen tūratyn balet, kompozitorlar-Q. Shildebaev, R.Gaisin, T. Mombekov, K. Pino-Kintana. Körkemdik jetekshisi - Altynai Asylmūratova, «Astana Opera» memlekettik opera jäne balet teatry.

«Muzykaly-oryndaushylyq öner» nominatsiyasynyñ jeñimpazdary üsh marapatqa ie boldy:

«Üzdik dästürli oryndaushy» (än aitu) – Dias Mūrathan, «Alatau» dästürli öner teatry (Almaty).

«Üzdik dästürli oryndaushy» (aspapshy) – Janğali Jüzbai, Qazaq ūlttyq öner universiteti , Roza Bağlanova atyndağy «Qazaqkontsert» MKŪ (Astana).

 «Üzdik muzykalyq ansambl» – DUET CLASSIC Ermek Qūrmanaev / Anara Kamelinova. Jambyl atyndağy Qazaq memlekettik filarmoniyasy (Almaty), Qazaq ūlttyq öner universiteti (Astana).

«Beineleu jäne sändik-qoldanbaly öner» nominatsiyasynda üsh syilyq tabystaldy:

«Üzdik sändik-qoldanbaly öner tuyndysy» üshin – Säule Bapanova. Kiizden jasalğan kollektsiya. Temirbek Jürgenov atyndağy Qazaq ūlttyq öner akademiyasy;

«Suretshiniñ / grafiktiñ üzdik jūmysy» -suretshi Vyacheslav Liy-Ko «Umaidyñ oraluy» (grafika).

«Zamanaui önerdegi üzdik joba» üshin – Säken Narynov. «Altyn jürek» jobasy. Qazaqstan Respublikasy Säuletshiler Odağy.

«Üzdik balalar spektakli üshin» arnaiy jüldesin jariyalau üshin jeñimpazdardyñ esimi jazylğan konvertti simvoldyq türde Balalar jylynda balalar sahnağa alyp shyqty jäne ashty. Aita keteiik, QR Mädeniet jäne sport ministri Däuren Abaevtyñ qolynan ülken marapatqa Qazaq ūlttyq horeografiya akademiyasy Rikardo Drigonyñ «Raushan bürshigi men köbelektiñ romany» baleti üshin jäne Mañğystau oblystyq quyrshaq teatry «Aijan äjesiniñ ertegisi» (Aijan äjesiniñ ertegileri), «Qaita jañğyrğan örnek» (oiy-örnekti jandandyrğan), «Dastarhan» trilogiyalary üshin jeñip aldy.

«Biyl biz mädeniet jäne öner salasyndağy köptegen jobalardy iske asyrdyq. Umai-dan basqa, Dala Dauysy shyğarmashylyq baiqauy, «Shertpe küi» dästürli muzyka festivali, Roza Bağlanova atyndağy vokalister baiqauy, Astana Piano Passion jas pianister baiqauy, «Altyn dombyra» respublikalyq aitysy, «Euraziya» kinofestivali, «Aiboz» ädebi syilyğy jäne basqa da jobalar. Biz sözben aitqanda ūltymyzdyñ at üstindegi aibyndy ruhyn kötergen, qalamgerlerimizdiñ, öner ökilderiniñ shabyttaryna shamshyraq bolğan jüieli jūmystar bir jyl ishinde ğana atqaryldy.

Ministrliktiñ basqa da salalaryna, yağni sport pen turizmge qatysty qolğa alynğan is-sharalary da jeterlik. Öz kezeginde, osy irgeli isterdi birlesip atqarğan barlyq äripteske airyqsha alğys bildirgim keledi. Kelesi jyly mūndai jobalar odan da köp bolady», - dep tüiindedi Däuren Abaev.

Aita keteiik, ülken shou-bağdarlamağa detsin teatr foiesine suret jäne Eskizder körmesi qoiyldy, al öner maitalmandary qyzyl kilem üstinen jürip ötti.