Ūlt mädenieti – kez kelgen halyqtyñ genetikalyq tiregi. Ony qazirgidei jahandanu jağdaiynda tipti tereñ tüsinuimiz kerek. Biz töl mädenietimizdi ūlyqtau arqyly ruhani kelbetimizdi saqtaimyz, örkenietti elderdiñ qataryna tek özimizdiñ ūlttyq qūndylyqtarymyzben enemiz. Osy rette Mädeniet jäne sport ministrligi otandyq ūjymdar men mädeniet, öner qairatkerleriniñ shyğarmashylyq jetistikterin odan äri damytu, däripteu maqsatynda tūñğysh ret UMAI ūlttyq syilyğyn tağaiyndap otyr.

Beinerolikti köriñiz: https://www.youtube.com/watch?v=BOSWc16FVOA

Biz būl süiinshi jañalyqty būğan deiin tek jalpylama ğana aittyq. Al bügin atalğan premiyağa keñirek toqtalyp, konkurs erejesimen tolyq tanystyrğymyz kelip otyr.

Konkurstyq negizde beriletin UMAI ūlttyq premiyasynyñ jalpy jülde qory – 54 mln teñge. Syilyq biyl jyl soñynda elimizdiñ shyğarmashylyq ūjymdaryna jäne jekelegen oryndaushylarğa eki teatrlyq-kontserttik mausymdağy, yağni 2020-2021, 2021-2022 jyldar aralyğyndağy aituly shyğarmashylyq tabystar men käsibi jetistikter üshin beriledi.

Premiya negizgi ülken 4 bağytty qamtidy, yağni:

- teatr öneri;

- muzykalyq oryndaushylyq öner;

- horeografiya öneri,

- beineleu jäne sändik-qoldanbaly öner bağyttary.

Osy 4 bağyt boiynsha 19 nominatsiya tağaiyndalyp otyr.

Onyñ ishinde atalğan bağyttar sheñberinde közdelgen 17 nominatsiya jeñimpazdaryna 2 mln teñgeden, al «Üzdik muzykalyq-dramalyq spektakl», «Üzdik balet spektakli» nominatsiyalarynyñ jeñimpazdaryna 10 mln teñgeden aqshalai syilyqtar qarastyrylğan.

19 atalym boiynsha är nominatsiya ataulary tömendegidei:

«Teatr öneri» bağyty;

«Opera öneri»;

«Akterlik sheberlik»;

«Üzdik rejissura»;

«Spektakldi üzdik körkem bezendiru»;

«Üzdik muzykalyq-dramalyq spektakl» atalymdaryn qamtidy.

Būl atalymdardyñ ishinde «Spektakldi üzdik körkem bezendiru» atalymy tūñğysh ret tağaiyndalyp otyr. Köbine dekoratsiya mamandary men sahna suretshileri ylği köleñkede qalyp jatady. Biz osy olqylyqtyñ ornyn toltyruymyz kerek.

«Muzykalyq-oryndaushylyq öner» bağyty boiynsha premiya:

«Üzdik dästürli än oryndaushysy»;

«Üzdik dästürli oryndaushy-instrumentalist»;

«Üzdik muzykalyq ansambl» atalymdaryna beriledi.

«Horeografiya öneri» bağyty boiynsha:

«Üzdik bi ūjymy»;

«Balettegi üzdik oryndaushy»

«Üzdik horeograf»

«Üzdik balet spektakli» atalymdary qamtyldy. Būl jerde «Üzdik balet spektalkiniñ» syilyğy - 1 jülde 10 000 000 teñge. yağni, jülde shyğarmashylyq tolyq ūjym üshin tağaiyndalady.

«Beineleu jäne sändik-qoldanbaly öner» bağyty boiynsha:

«Sändik-qoldanbaly önerdiñ üzdik tuyndysy» jäne «Keskindemeshiniñ üzdik jūmysy/grafika» atalymdary qamtyldy.

Önerdiñ būl türi de, yağni qylqalam sheberlerimiz de köbine osyndai syilyqtardan köbine shet qalyp jatady. Suretshilerimizdi biz ärqashan qoldauymyz qajet. Osyndai jobalar arqyly jaña däuirdiñ keñ tynysty keskindemeleri düniege kelui kerek.

Sondai-aq ūlttyq premiya sheñberinde arnaiy jülde de tağaiyndalady:

- Arnaiy jülde – «Üzdik balalar spektakli üshin» beriledi.

Konkursty daiyndap, ötkizushi «Astana Opera» memlekettik opera jäne balet teatry.

Ötinimder qazirden bastap 9 jeltoqsanğa deiin qabyldanady. Basqa da qajetti aqparattar Mädeniet jäne sport ministrligi men «Astana Opera» memlekettik opera jäne balet teatrynyñ resmi saittaryna ornalastyrylyp otyr.

Otandyq mädeniet pen töl önerlerimizdi damytudyñ jañashyl tendentsiyalaryn aiqyndauda, dästürli önerimizdi däriptep, Qazaqstannyñ biryñğai mädeni keñistigin qalyptastyruda UMAI ūlttyq syilyğy shyğarmashyl qauymğa tyñ serpin beredi dep senemiz.

http://www.conservatoire.edu.kz/kz/news/r-m-deniet-zh-ne-sport-ministrligi-synady-umai-ltty-syyly-y.html

Aqparatty ūsynğan «Astana Opera» Memlekettik opera jäne balet teatrynyñ  baspasöz qyzmeti.