«TURAN» Etno-folklorlyq ansambli – qazaq halqynyñ ūlttyq muzykalyq mūrasyn jañğyrtyp, ūmyt bola bastağan töl aspaptardyñ süiemeldeuimen köne küi-jyrlardy nasihattaityn biregei top. Etno-folklorlyq ansambl ūlttyq muzykalyq aspaptardyñ dybysyn qazirgi zamanğa sai laiyqtap, jaña formatta ūsynyp jür.

Qobyzdyñ üni nege erekshe? Dombyra qandy qalai tulatady? Sybyzğy men jetigenniñ tylsymy nede? Osy jäne özge de sūraqtarğa jauapty “Qazaqstan” OQZ-nyñ Kameralyq zalyna kelip taba alasyz.

Sondai-aq, muzykalyq aspaptardyñ tarihymen tanysyp, ansambl repertuaryndağy «Er Tūran», «Qazaq eli», «Syrlasu» jäne tağy basqa tanymal shyğarmalardy tyñdai alasyz.

On jyldyq tarihy bar öner ūjymy qazaq muzykasyn älemge äigilep, 70-ten astam shet memlekette 600-den astam jeke kontsert bergen. Ansambl «Karnegi holl» (Niy-iork, AQSh), «Kennedi tsentr» (Vashington, AQSh), «Kontsert haus» (Berlin, Germaniya), «Kremlevskii dvorets» (Mäskeu, Resei), «Kongress jäne festivaldar saraiy» (Kann, Frantsiya), «Salle Korto» (Parij, Frantsiya) jäne özge de ataqty zaldarda öner körsetti.

Ansambldiñ qūramynda Maqsat Medeubek, Serik Nūrmoldaev, Bauyrjan Bekmūhanbetov, Erjigit Äliev, Jantu Dadabaev syndy talantty multi instrumentalist muzykanttar bar. Qazaq halqynyñ otyzdan astam ūlttyq muzykalyq aspaby bolsa, muzykanttardyñ ärqaisysy solardyñ birnesheuinde oinaudy meñgergen.

Däris-kontserttiñ bağdarlamasyna toptyñ oryndauyndağy üzdik äuender men jaña tuyndylar engen. Ruhani kemeldenip, erekshe äser syilaityn ädemi keshten qapy qalmañyzdar!