X

Tilegimiz - el birligi

16.09.2022

«62 jyldyq tarihy bar mädeniet pen önerdiñ qara shañyrağynyñ qyzmeti biylğy jyly jaña qarqynmen bastau aldy. Onyñ ishinde ūiymnyñ baiyrğy gastroldik saparlaryn jañğyryp jatqan jaña jobalar bar. Memleket basshysy Qasym-Jomart Toqaevtyñ elimizdegi monoqalalardy jan-jaqty damytuğa bağyttalğan tapsyrmalaryna säikes, «Qazaqkontsert» ūjymy 2022-2025 jyldarğa arnalğan josparyn bekitip, el aumağyndağy barlyq monoqalalardyñ tūrğyndary üshin qoljetimdi sapaly mädeni önimderdi ūsynuğa kiristi. Būl jospar ayasynda ūiymnyñ tanymal ärtisteri men shyğarmashylyq ūjymdary jaqynda ğana Abai, Shyğys Qazaqstan, Ūlytau oblystarynda bolyp, endi jaqyn künderde, qyrküiektiñ 21 küni biyl qūrylğan jaña oblysymyz Jetisuğa, äri qarai Türkistan, Jambyl oblystarynyñ monoqalalarynda kontsertter beruge gastroldik saparğa attanady»,- dep atap ötti spiker.

Būdan bölek, «El birligi – jaña Qazaqstan» jobasyn jüzege asyryp, Prezident Joldauynda jariyalanğan Abai, Ūlytau, Jetisu sekildi jaña oblystardyñ ortalyqtary men monoqalalaryna, shalğai jatqan audandaryna kontserttik bağdarlamalar ūsynu qolğa alynğan.

Aqtoty Rahmetollaqyzynyñ aituynsha, atalğan jobalardyñ negizgi maqsaty – öñir tūrğyndaryna mädeni qūndylyqtardyñ qoljetimdiligin qamtamasyz etu, öñirlerdegi ūjymdar men ärtisterdi qoldau, ūlttyq qūndylyqtardy däripteu, otandyq önerdiñ kökjiegin keñeitu.

Alğashqy gastroldik sapar Abai oblysynda ötip, oğan Qazaqstannyñ Halyq ärtisi, Qazaqstannyñ Eñbek Eri Roza Rymbaeva, Qazaqstannyñ Eñbek siñirgen ärtisi Aijan Nūrmağambetova, Qazaqstannyñ eñbek siñirgen qairatkerleri Erlan Rysqali, Azamat Jyltyrközov bastağan bir top ärtister bardy.

«21-qyrküiekte, aldağy aptada «Qazaqkontserttiñ» shyğarmashylyq ūjymy «Änim sensiñ, Alatau» atty merekelik kontsertpen Jetisu oblysyna gastroldik saparğa attanbaq. Taldyqorğan, Tekeli qalalarynda kontsert berip, äri qarai Almatyğa jol tartady»,- dedi Aqtoty Rahmetollaqyzy.

«Qazaqkontserttiñ» 62-shi kontsert mausymynda ūsynylatyn jaña formattağy jobalardyñ qatarynda «Almatydağy altyn küz «Qazaqkontsertpen» birge» öner festivali bar. Biyl tūñğysh ret ötkizgeli otyrğan festival ayasynda Qazaqkontsert elordağa köshkennen keiin alğash ret barlyq ärtister baryp, Almaty qalasynda ülken kontsertter, spektaklder qoyady.

 

«Sonymen qatar, özderiñizge belgili KSRO men Qazaqstannyñ Halyq ärtisi, «Halyq qaharmany» Roza Täjibaiqyzy Bağlanovanyñ 100 jyldyğy ayasynda änshiniñ tuğan jeri Qyzylorda oblysyna gastroldik saparlar josparlanyp otyr. «Qazaqkontserttiñ» «Astana Musical» memlekettik teatry būl öñirdiñ halqyna «Roza Bağlanova» jäne «Dostar serti» spektaklderin sahnalaityn bolady. Sondai-aq, Qyzylorda oblysynyñ Qarmaqshy, Qazaly, Aral audandarynyñ, Baiqoñyr qalasynyñ tūrğyndaryna kontserttik bağdarlamalar ūsynamyz. Qyzylorda oblysyna gastroldik saparymyz qyrküiektiñ 30 küninen bastalyp, qazannyñ 4 künine deiin jalğasady»,- dep tüiindedi sözin spiker.

 

 

 

 

Поделиться в соц. сетях: