Roza Bağlanova atyndağy «Qazaqkontsert» memlekettik kontserttik  ūiymynyñ «Estradalyq öner» böliminiñ solisi Gülnar Köshenova Portugaliyada ötken FICSE-2022 konkursynda jüldeli birinshi oryndy jeñip aldy.

Roza Bağlanova atyndağy «Qazaqkontsert» MKŪ direktory Aqtoty Raiymqūlova  änshini osynau jeñisimen qūttyqtady.

-        «Gülnär Sairanqyzy, Portugaliyada ötken halyqaralyq än baiqauynda jarqyn önerimen kezekti ret asqaq armanğa degen qūlshynysy zor daryndy, eñbekqor änshi ekenin pash etti. Būl teñdesi joq, tamasha jetistik! Gülnar jas bolsa da öte talantty. Būl Gülnar üshin ülken öner men ülken sahnanyñ bastauy. Aldağy uaqytta da jahandyq baiqaularda sätti öner körsetip, jarqyn jetistikteriñizben elimizdiñ, ūjymymyzdyñ mereiin üstem ete beriñiz. Sizge zor densaulyq, tolaiym shyğarmashylyq tabys tileimin!», - dedi ol. 

   Öz kezeginde Gülnar Köshenova - halyqaralyq baiqaudağy jeñisine qūtty bolsyn aitqan barsha janküierlerine alğysyn bildirip, aldağy uaqytta da än baiqaularyna qatysyp, el mereiin asqaqtatuğa küsh salatynyna sendirdi.