X

Reseide Roza Bağlanovanyñ 100 jyldyğyna arnalğan merekelik is-sharalar ötip jatyr

14.09.2022

Halyqtyñ süiikti änshisiniñ mereitoiy Reseide de toilanyp jatyr. Bügin Resei astanasy Mäskeu qalasynda fotokörme ashylyp merekelik kontsert ötti. Is-sharağa Qazaqstannyñ mädeniet jäne sport ministri Däuren Abaev, ziyaly qauym men qazaq diasporasynyñ ökilderi qatysty.

«Osyndai iri is-sharalar Qazaqstanda ğana emes, basqa elderde de ötkizilip jatqany quantady. Mūndağy fotosuretterdiñ ärqaisysy Roza Bağlanovanyñ mağynaly ömiriniñ jarqyn sätterin ğana emes, sonymen birge bükil däuirdiñ örleuin de beineleidi», — dedi ministr Däuren Abaev HShJK-de körmeniñ ashyluy ayasynda.

Fotokörmede artistiñ ömiri men shyğarmashylyğynyñ ärtürli qyryn tanytatyn 30-dan astam biregei fotosuret qoiylğan. Körme 7 bölimnen tūrady: «Birinshi Roza»«Soğys jyldaryndağy erlik pen dañq»«Shyğarmashylyq shyñy»«Är än — jauhar»«Bükil älemdi jaulap alğan Roza»«Qoğamdyq-sayasi qyzmet» jäne «Halyq süiispenshiligine bölengen jarqyn ömir».

Däuren Abaevtyñ aituynsha, änshiniñ 100 jyldyğy iyNESKO-nyñ atauly künder küntizbesine engen, al qazan aiynda ūiymnyñ shtab-päterinde R.Bağlanovanyñ qūrmetine ülken kontsert josparlanğan. Sondai-aq, qarasha aiynda Qazaqstan astanasynda halyqaralyq vokalister baiqauy ötedi.

«Roza Bağlanova - däuir simvoly jäne halyqtyñ süiiktisi. Qazaly öñirinen shyqqan tuma talanttyñ qazaq halqynyñ muzykasy men Qazaqstan kompozitorlarynyñ shyğarmashylyğyn elimizden tysqary jerlerge tanymal etuge jäne tanytuğa qosqan zor ülesin aitpai ketu mümkin emes. Roza Bağlanova Ūly Otan soğysy jyldarynda kontserttik brigada qūramynda qyzyl armiya jauyngerleriniñ aldynda än aityp, maidan dalasynan jaralanğandardy alyp shyqty. Beibit uaqytta da Roza Täjibaiqyzy bükil älemge kontserttermen öner körsetti, qoğamdyq istermen belsendi ainalysty, qaiyrymdylyq sharalaryna qatysty», — dep atap ötti Däuren Abaev merekelik kontsertte.

Aita keteiik, kontserttik bağdarlama ayasynda Roza Rymbaeva, Aigül Ülkenbaeva, Mädina Säduaqasova, Ruhiya Baidükenova jäne basqa da otandyq tanymal artister öner körsetti.

Поделиться в соц. сетях: