QR Mädeniet jäne sport ministrliginiñ qoldauymen «Roza Bağlanova atyndağy «Qazaqkontsert» memlekettik kontserttik ūiymy 19 mamyr sağ. 19.00-de Mädeniet jäne öner qyzmetkerleri künine arnalğan Gala-kontsert ötkizedi.

Memleket basshysy Q.Toqaev: «Äleumettik jañğyrudyñ jaña kezeñine qadam basudyñ bir tetigi – mädeniet qyzmetkerlerin qoldau. Eldiñ ruhani damuy men kemeldenui mädeniettiñ qarqyndy damuymen ūshtasyp jatyr. Elimizdiñ atyn shyğaratyn da – mädeniet pen öner», – degen bolatyn. Osy oraida, halqymyzdyñ mädeni jäne ruhani äleuetin arttyruğa sübeli üles qosyp, salanyñ mereiin köterip jürgen qyzmetkerlerdi käsibi merekemen qūttyqtau jäne olardyñ eñbekterin, käsibi qyzmetindegi joğary jetistikterin körsetu maqsatynda auqymdy is-sharalar jüzege asyrylyp otyr.

Gala-kontserttiñ ereksheligi – oblystar men respublikalyq mañyzy bar qalalardan kelgen shyğarmashylyq ūjymdary men üzdik oryndaushylaryn jūmyldyrumen qatar, elordamyzdyñ bas sahnasynda qazaqtyñ än-küilerin zamanui ülgide körermenge pash etu. Gala-kontsertte är öñirden kelgen dombyrashy jigitter men dombyrashy qyzdar, bi ansamblderi, ärtister men basqa da öner ūjymdary özderiniñ üzdik kontserttik nomerlerin ūsynady. Is-shara barysynda klassikalyq, Estradalyq jäne dästürli änder shyrqalady. Gala-kontsert «El birligi – Qazaqstan» jobasy ayasynda jüzege asyrylyp otyr.