Muzykalyq keshke amerikalyq pianist, AQSh memleketiniñ eñ sūranysqa ie zamanaui kompozitorlarynyñ biri LouEll Liberman men älemge äigili skripkashy, QR Halyq ärtisi, körnekti qoğam qairatkeri Aiman Mūsahadjaeva qatysty. Orkestrge ataqty skripkashy, köptegen halyqaralyq baiqaulardyñ jeñimpazy jäne laureaty Tigran Shiganyan (Özbekstan) dirijerlik etti.

LouEll Liberman – amerikalyq pianist jäne kompozitor. Ol muzyka janry boiynsha 140-qa juyq shyğarma jazdy. Onyñ fleita jäne fortepianoğa arnalğan sonatalary klassikalyq muzykanyñ eñ jii oryndalatyn zamanaui tuyndylarynyñ biri bolyp tabylady. L.Liberman fleitashy Djeims GoluEimen ūzaq uaqyt boiy shyğarmashylyq yntymaqtastyqta jäne onyñ fleita, arfa, fleita-pikkolo jäne fleita orkestri kontsertterine arnaiy tuyndylaryn jazğan. Pianist eki operanyñ avtory: Djuliard mektebiniñ jüz jyldyğyna arnalğan merekelik is-sharalar tapsyrysyna orai Monte-Karlo operasy boiynsha «Doriana Greidiñ sureti» jäne «Joqtaushylardyñ dosy». Onyñ «Frankenshtein» tolyqmetrajdy baleti London Koroldik jäne San-Frantsisko baletiniñ tapsyrysymen oryndaldy.

Aiman Mūsahadjaeva – körnekti skripkashy, QR Halyq ärtisi, Qazaqstannyñ Eñbek eri, Qazaq Ūlttyq öner universitetiniñ rektory. 1991 jyly onyñ bastamasymen Qazaq memlekettik simfoniyalyq orkestri qūryldy. Aiman Mūsahadjaevanyñ esimi «XX ğasyrdyñ 2000 körnekti muzykanty» atty IBC-tiñ älemdik qūrmetti adamdar tizimine jäne Kembridj universitetiniñ «XX ğasyrdyñ körnekti muzykanttary» Entsiklopediyalyq sözdigine (2002) engizilgen. Aiman Qojabekqyzy Misha Maiskii, Bruno Kanino, Viktor Tretyakov, Eduard Grah, Pavel Gililov, Vladimir Spivakov, Sergei Raldugin, Kristian Shults, Gudni Emilson jäne t.b. siyaqty tanymal muzykanttarmen jūmys jasaidy.

Tigran Shiganyan – Amerikada, Europada jäne Aziyada gastroldik saparlarymen tanymal bolğan belgili dirijer, skripkashy, oqytushy jäne prodiyser. Ol köptegen respublikalyq jäne halyqaralyq baiqaulardyñ jeñimpazy jäne laureaty. T.Shiganyan amerikalyq kompozitorlardyñ, sonyñ ishinde Leonard Bernstainnyñ, Djon Adamstyñ jäne Djon Uilyams muzykalarynyñ Ortalyq Aziyadağy jäne Özbekstandağy köptegen premeralaryna dirijerlik etti. 

Kontsert bağdarlamasynda: L.Liberman – Ishekti aspaptar orkestrimen skripka jäne fortepianoğa arnalğan kameralyq kontsert, №1, Or. 28, (1989/2022), L.Liberman – Skripka men ishekti aspaptarğa arnalğan kameralyq orkestr kontserti, №2, Or. 98, (2006/2022), L.Liberman – Skripka men orkestrge arnalğan kontsert, Or. 74 (2001)

Būl kontsert elordalyq körermenderdi ūmytylmas äserge böleitin klassikalyq muzykanyñ tañğajaiyp keshi bolğany sözsiz.