Älemdi auzyna qaratqan Älim nebary 25 jasta. Al ol bolsa Van Klaibern atyndağy jas pianisterge arnalğan I halyqara­lyq baiqaudyñ jeñimpazy, List jäne Veimar qalalaryndağy halyqaralyq jasöspirimder jäne Manchesterdegi pia­nister baiqauynyñ laureaty atanğan. Sausağynan saz tamshylağan talantty pianist Ūlybritaniyanyñ Lids qala­syn­da ötetin asa bedeldi Halyqaralyq pianister baiqauynyñ tarihyndağy birinshi syilyqty jeñip alğan tūñğysh qazaqstandyq-laureat, Uoterman Altyn medaliniñ iegeri, Royal College of Music magistri.

    Bes jasynan küisandyqta oinap, jiyrmağa jeter-jetpes jasynda daq­pyrty jer jarğan dualy auyz bilgir­ler tarapynan «älem klassikalyq muzy­kasynyñ qūbylysy» dep bağalanğan jas daryn Ä.Beisembaevtyñ būl küni är kontserti jyl būryn josparlanyp, är sapary minutyna deiin eseptelip, aldyn-ala kelisiledi. Älim tanymal muzy­kanttarmen yntymaqtasa jūmys istep ke­ledi jäne Londonnyñ kameralyq ansam­blderiniñ qūramynda kontsertterge jii shyğady. Erte tanylğan erek­she talant iesi uaqytynyñ tyğyzdy­ğyna qaramastan Roza Bağlanova atyn­dağy Qazaqkontsert MKŪ ūsynysyn qabyl alyp, osy ūjymnyñ solisi bolyp eñbek etude.  Ötken jyly Oñtüs­tik Koreyadağy kontsertinen ke­iin «Almatydağy Altyn küz Qazaq­kon­tsertpen birge» atty öner festivalinde önerin körsetti. Jyl soñyna qarai Astana qalasynda birneshe ret Qazaq memlekettik simfonyalyq orkestirimen birlesip, birneshe kontsertterin qoidy.

   Roza Bağlanova atyndağy Qazaqkontsert MKŪ direktory A. Raiymqūlova düniejüzilik deñgeide jarq etip tanylğan jaña esimdi qoldauğa dayar öz täuelsiz eli bar ekenin jäne Qazaqstanğa kerek ekenin bildirip, är shyğarmashylyq jetistigin bağalap, ruhani demeu bolyp otyru üshin Älimdi «Qazaqkontserttiñ» solisi boluğa shaqyrğan bolatyn. Qoğammen qarym-qaty­nasyn ağylshyn tilinde atqaryp jürgen azamat altyn qazyğy, tüp-tamyry qa­zaq topyrağyna bailauly ekenin bir sät esi­nen shyğarmaityndyqtan, būl ūsy­nystqa quana kelisken. Kish­kentai küninen tuğan jerinen jy­raq­­ta jürgen jas pianist ärdaiym Qazaqstandy körgenshe asyq. Sebebi mūnda onyñ äjesi, ata-anasy, bauyrlary tūrady.

   Muzykağa mahabbaty bala küninen bür jaryp, büginde sheberliktiñ shyñy­na shyğyp, shartaraptyñ aldynda Qazaq­stannyñ atyn asqaqtatyp jürgen Älim Beisembaevtyñ klassikalyq muzykadağy qadamy erte bastalğanymen, qanatyn kerip, zeñgir kökte bauyryn jazyp ūsh­qany osy kezeñ. Älim älemdik deñgeidegi osy zamannyñ eñ ozyq on pianisiniñ qatarynan nyq ornyn alğan. Mañdai termen jetken aituly jeñis pen jetis­tiktiñ bäri jas talantty kemel jolğa endi bastap keledi. Sondyqtan, 2023 jyldyñ 31 qañtarynda BBC radio beriletin dañqty äriptesimizdiñ kontsertin jer-jahanmen birge tamashalaityn bolamyz.