QR Mädeniet jäne sport ministrliginiñ qoldauymen «Roza Bağlanova atyndağy «Qazaqkontsert» memlekettik kontserttik ūiymynyñ solisteri, «Daryn» memlekettik jastar syilyğynyñ laureattary – «T&Y» dombyrashylar duEtiniñ müsheleri Temirlan Oljabai men Ernat Nauryz «Open Italy» aspapty oryndaushylardyñ halyqaralyq muzyka baiqauynda bas jüldeni jeñip aldy. Qazaqstandyq önerpazdar «Adai», «Köröğly», «Älqissa» küileri men Oljas Süleimenovtyñ «West» tuyndysyn oryndady. Qazaq önerpazdary «Halyq aspaptary» nominatsiyasy boiynsha top jaryp, halyqaralyq qazylar alqasynyñ joğary bağasyna ie boldy.

«Open Italy» aspapty oryndaushylardyñ halyqaralyq muzyka baiqauy jyl saiyn italiya memleketiniñ Pezaro qalasynda ötedi. Sharağa älemniñ tükpir-tükpirinen aspapshylar shaqyrylğan. Baiqauğa 24 elden ümitkerler qatysty.

Is-shara ayaqtalyp, qorytyndylar jariyalanğannan keiin mindetti türde qazylar alqasynyñ ökilderimen döñgelek üstel ötkiziledi. Aita keteiik, baiqau ayasynda sheberlik synyby da qarastyrylğan.

Baiqaudyñ negizin qalaushylar – ispaniyanyñ «Fiestalonia Milenio» festival komiteti, «Ad Arte»qauymdastyğy (italiya) jäne bas keñsesi Londonda ornalasqan «Fiestalonia International» daryndy oryndaushylardyñ prodiyserlik ortalyğy.