Alpys jyldan astam tarihy bar mädeniet pen önerdiñ qara shañyrağynyñ qyzmeti biyl jaña qarqynmen bastaldy. Ūiymnyñ baiyrğy gastroldik saparlaryn jañğyrtatyn jaña jobanyñ tūsauy kesilip, Memleket basshysy Qasym-Jomart Toqaevtyñ elimizdegi monoqalalardy jan-jaqty damytuğa bağyttalğan tapsyrmalaryna säikes, «Qazaqkontsert» ūjymy 2022-2025 jyldarğa arnalğan jospary boiynsha el aumağyndağy barlyq mono-qalalardyñ tūrğyndary üshin qoljetimdi, sapaly mädeni shyğarmalardy ūsynuğa kiristi»,- depatap körsetti Roza Bağlanova atyndağy respublikalyq «Qazaqkonert»  ūiymynyñ direktory Aqtoty Raiymqūlova.

  QR prezidenti Q-J.Toqaev öziniñ 2022 jyldyñ nauryzyndağy Qazaqstan halyqyna joldauynda Qazaqstanda  jañadan üsh oblystyñ ashylatyny turaly mälimdegen bolatyn. Qazaqstannyñ öner mekemeleriniñ arasynda elimizdiñ bas kontserttik ūiymy jaña Abai oblysynyñ jūrtshylyğyn qūttyqtauğa alğashqylardyñ biri bolyp shyqty.

  Shyğarmashylyq ūjymnyñ Abai oblysyndağy gastrolderi QR mädeniet jäne sport ministrliginiñ jäne oblystardağy  jergilikti  atqarushy organdardyñ qoldauymen "El birligi - Jaña Qazaqstan" imidjdik jobasynyñ ayasynda  sätti ötti.

  Abai küni merekesinde "Qazaqkontserttiñ" ūjymy Semeidegi Abaidyñ «Jidebai-Börili» memlekettik tarihi-mädeni jäne ädebi-memorialdyq muzei-qoryğynda bolyp, shyğarmashylyq intelligentsiyanyñ ökilderimen jäne jaña oblystyñ tūrğyndarymen kezdesti. Būl shara Mūhtar Äuezovtyñ 125 jyldyğy men Abai küni qūrmetine orailastyryldy. Roza Bağlanova atyndağy "Qazaqkontsert» BKŪ direktory A. Raiymqūlova ūjym atynan Abai oblysynyñ tūrğyndaryn qūttyqtap, Abai muzeiine jaña oblys üshin arnaiy Abai Qūnanbaev tūtynğan dombyralardyñ biriniñ ülgisinde jasalğan erekshe dombyrany syiğa tartty. Būl üsh shekti dombyranyñ özgesheligi: onyñ shekteri qoidyñ ash sheginen tartylğan.

  "Mūndai shekterdi daiyndau tehnologiyasynan bayağyda ajyrap qaldyq. Qazirgi kezde jas muzykanttar men zertteushiler qazaq halqynyñ folklory men  muzykalyq mūralaryn keñinen zertteude. Sol shoğyr ökilderiniñ biri - bizdiñ qyzmetkerimiz Babyr Arğynov birneshe jyldan beri zertteu jūmystarymen ainalysyp, muzykalyq  aspaptarğa shek jasaudyñ ädisterin meñgergen. Qazirgi kezde B.Arğynovtyñ "Qonyr"kompaniyasy muzykalyq aspaptar dayarlaumen ainalysady. Shyğarmashylyqtaryna ğylymi qyzmetti serik etken osyndai jas mamandarymyzdy maqtanysh etemiz"- dep A.Raiymqūlova  atap ötti.