«Roza Bağlanova atyndağy «Qazaqkontsert» memlekettik kontserttik ūiymy «Balalar filarmoniyasy» jobasy ayasynda jas körermenderge qyzyqty mädeni sharalar ūiymdastyrady. Kanikul kezinde balalar jazdyñ birinshi aiynda tegin kontsertter men sheberlik sabaqtarğa qatysyp, qazaqstandyq tanymal ärtisterdiñ önerge qatysty däristerin tyñdai alady jäne estelik syilyqtar alady.

Byltyr  «Balalar jyly» ayasynda «Qazaqkontsert» memlekettik kontserttik ūiymy 2022 jyldyñ qyrküieginde «Balalar filarmoniyasy» jobasyn iske qosty. Ağymdağy jyly ony jüzege asyru birqatar sharalarmen jalğasatyn bolady.

1 mausym balalardy qorğau künine orai «Multfilmder älemine sayahat» atty muvi kontsert ötedi. «Qazaqkontsert» solisteri ataqty «Holodnoe serdtse», «Shrek», «Alladin», «Moana» jäne t.b. animatsiyalyq filmderdegi änderdi oryndaidy.

2 mausymda «Dala zamanauy bii» atty horeografiyalyq önerden sheberlik sabaq boiynsha «Gülder» ansambliniñ bas baletmeisteri Anvara Sadyqova men horeograf Möldir Nyğmetova jas körermenderge qazaq biiniñ damuy men qazirgi zamanğy bi öneri turaly aityp beredi. Teoriyalyq sholu ayaqtalğannan keiin «Gülder» ansambliniñ solisteri köpshilikke keñinen taralğan horeografiyalyq bi Elementterin körsetedi.

7 mausymda «TURAN» folklorly-Etnografiyalyq ansambli «Balalar filarmoniyasy» jobasy ayasynda jas muzyka äuesqoilary üshin kezekti lektsiya-kontsertin ötkizedi. Muzykanttar balalarğa virtuozdyq oryndaudyñ joğary sheberligin körsetip qana qoimai, muzykalyq aspaptardyñ shyğu tarihy turaly aityp beredi.

9 mausymda mektep oqushylary «Opera äleminde» atty  tanymdyq lektsiya-kontsertine qatysuğa mümkindik alady. Kezdesu barysynda muzyka äuesqoilary klassikalyq vokaldyñ erekshelikteri men Estradalyq jäne akademiyalyq än aitudyñ negizgi aiyrmashylyqtarymen tanystyrady. Sondai-aq, muzykanttar körermender nazaryna birneshe vokaldyq jattyğulardy ūsynady, äigili miyziklderden ariyalar men operettalardy jäne romanstardy oryndaidy.

14 mausymda «Teatr jäne akterlik öner» sheberlik sabağynda «ASTANA MUSICAL» teatrynyñ ärtisteri balalarğa mamandyqtyñ qyr-syryn aityp, ärtisterdiñ sahnada senimdi boluyna kömektesetin jattyğular men ädisterdi üiretedi. Sabaqta oqushylar mimika qalai jūmys isteitinin, öz Emotsiyalaryn dūrys bildirip, ony körermenge nemese äñgimelesushige qalai jetkizuge jäne köpshilik aldynda söileu qorqynyshyn jeñuge üirenedi.

16 mausymda «ETNHO MODERN» shou-kontsertinde balalar qazaqtyñ dästürli halyq aspaptarynyñ zamanaui muzykany qalai özgerte alatynyn bile alady. Sahnalyq qoiylym barysynda «Astana sazy» Etno-folklorlyq ansambliniñ oryndauynda «Karib teñiziniñ qaraqshylary», «Madagaskar»,  «Sinii krot» jäne t.b. multfilmderden saundtrekter oryndalady.

21 mausymda Qazaq memlekettik simfoniyalyq orkestriniñ solisteri jas körermenderdi klassikalyq muzykalyq aspaptarda oinau boiynsha sheberlik sabağyna shaqyrady. Olar mektep oqushylaryn birlesken muzyka jasaudyñ keibir ädisteri men täsilderimen tanystyrady.

23 mausymda «Halyq qazynasy» ūlttyq öner ortalyğynyñ ärtisteri «Jetigen men dombyranyñ ündesui» atty lektsiya-kontsertte folklor dästürin üiretu üshin jas körermenderdi asyğa kütedi.

28 mausymda «SAZ & SOUL» vokaldy-aspaptyq ansambliniñ solisteri muzykanyñ jyldam qozğalysy sezimin tudyratyn djaz improvizatsiyasyn «Djaz degenimiz ne?» atty lektsiya-kontsertinde körsetedi.  

30 mausymda «ASTANA MUSICAL» teatrynyñ ärtisteri «Ğajaiyp miyzikl» atty lektsiya-kontsertinde sahna öneriniñ qyr-syryna toqtalyp, miyzikalyq qoiylymdardyñ erekshelikteri turaly aityp beredi.

Öner älemimen tanysu jas körermender men olardyñ ata-analaryna jarqyn äser qaldyryp, jaz mausymynda barshağa tamasha köñil-küi syilaidy degen ümittemiz.