Qazaq muzykanttary Jeneva jūrtshylyğyn baurap aldy
06.04.2023
Tarihi Jeneva konservatoriyasynyñ kontsert zaly Ūly dalağa ainaldy. Onda «Tūran» Etno-folklorlyq ansambliniñ, tenor Medet Shotabaevtyñ jäne «Roza Bağlanova atyndağy qazaqkontsert» memlekettik kontserttik ūiymy muzykanttarynyñ «Bridge of Times» kontserti ötti.
Qazaqstannyñ Jenevadağy BŪŪ bölimshesi janyndağy Tūraqty ökildigi būl jobany «Qazaqkontsert» önerpazdarymen birlesip olardyñ älemdik turnesi ayasynda jenevalyq La Haute École de musique de Genève, le Centre d'Accueil de la Genève Internationale (CAGI) jäne les Ateliers d'ethnomusicologie (ADEM) qoldauymen jüzege asyrdy. Būl jergilikti auditoriyağa bağyttalğan soñğy uaqyttağy eñ iri mädeni is-shara boldy.
Qazaqstannyñ Tūraqty ökili Erlan Älimbaev diplomatiyalyq korpus pen halyqaralyq ūiymdardyñ basshylary jäne jenevalyqtar, sondai-aq Shveitsariyadağy qazaqstandyqtar aldynda aitqan sözinde elimiz mädenietiniñ aluandyğyn pash etetin, san ğasyrlar sazyn ūsynatyn arnaiy keshtiñ mädenietimiz ben birligimizdi tanystyruğa zor mümkindik ekenin atap ötti.
«Tūran» Etno-folklorlyq ansambli qazaq halqynyñ özindik muzykalyq önerin, köne aspaptardyñ dybysyn jäne kömei än önerin jañğyrtuğa ūmtylady. Qobyz, jetigen, sherter, orteke, sybyzğy jäne tağy basqa 30-dan astam ūlttyq muzykalyq aspaptarda köpshiliktiñ köñilinen shyqqan tuyndylardy oryndağan önerpazdardy tyñdarmandar jyly qarsy aldy.
Sonymen qatar, auditoriya halyqaralyq baiqaulardyñ iegeri, Qazaqstannyñ eñbek siñirgen qairatkeri, tenor Medet Shotabaevty ystyq yqylaspen qarsy aldy.
Ūlttyq jäne klassikalyq muzykalyq aspaptar üshin jazylğan jäne Qazaqstannyñ eñbek siñirgen qairatkeri, kompozitor Aqtoty Raiymqūlovamen birge oryndalğan kompozitsiyalardyñ oryndaluy keshtiñ sharyqtau shegine ainaldy.
Anshlagpen ötken kontserttiñ soñy qonaqtarğa ūlttyq tağamdar ūsynuğa ūlasty.
«Qazirgi Shveitsariya jūrtshylyğyn tañdandyru qiyn. Saltanatty qol shapalaqtau būl jerde öte sirek baiqalada. Alaida, bügingi kesh oğan jatpaidy», – dep Jeneva tūrğyndary kontsertten keiin öz pikirimen bölisti.
Поделиться в соц. сетях: