«Alpys jyldan astam tarihy bar mädeniet pen önerdiñ qara shañyrağynyñ qyzmeti biylğy jyly jaña qarqynmen bastau almaqshy. Solardyñ qatarynda ūiymnyñ baiyrğy gastroldik saparlaryn jañğyrtatyn jaña jobalary bar. Mäselen, Memleket basshysy Qasym-Jomart Kemelūlynyñ elimizdegi monoqalalardy jan-jaqty damytuğa bağyttalğan tapsyrmalaryna säikes «Qazaqkontsert» ūjymy 2022-2025 jyldarğa arnalğan josparyn bekitip, el aumağyndağy barlyq monoqalalardyñ tūrğyndary üshin qoljetimdi sapaly mädeni önimderdi ūsynuğa kiristi»,- dep bastağan A.Raiymqūlova Joba ayasynda elimizdegi basty kontsert ūiymynyñ solisteri biyl Abai, Shyğys Qazaqstan, Ūlytau, Jetisu, Türkistan, Jambyl oblystarynyñ audandary men mono-qalalarynda kontsertter beretini jöninde aita kelip,

            «Biyl qūrylğan üsh jaña oblysymyzğa bizdiñ arnaiy kädemiz bar. «Qazaqkontserttiñ» shyğarmashylyq ūjymynda sahnağa shyğyp, öner körsetumen ğana shektelip qalmai, ğylymi-zertteu jūmystarymen, naqty aitsaq  Qazaqstandağy folklor önerin zertteumen jäne damytumen de ainalysyp jürgen äriptesterimiz bar. Osyndai jūmystardyñ nätijesinde biz Abai, Ūlytau, Jetisu oblystaryna Abai Qūnanbaevtyñ üsh dombyrasynyñ biriniñ ülgisimen, bizdiñ seriktesimiz «Sherter» firmasy arnaiy köne tehnologiyamen jasalğan dombyralardy «Qazaqkontsert» ūiymynyñ atynan tartu etpekpiz. Būl dombyranyñ ereksheligi – oğan qoi men eshkiniñ isheginen jasalğan ishekter tartylğan. Būl köne tehnologiyany qaita qalpyna keltirgen bizdiñ äriptesimiz Babyr Arğynov. Ishekter dombyrağa köneden kele jatqan qoñyr ündi beredi,»- dedi Aqtoty Rahmetollaqyzy.

Atalğan jobanyñ negizgi maqsaty – ūlttyq än-küi öneriniñ inju-marjandaryn halyqqa jetkizip, öñirlerdegi öner ūjymdaryna qoldau körsetip, otandyq önerdiñ kökjiegin keñeitu. Alğashqy gastroldik sapar Abai oblysyna josparlandy. Soğan säikes, bügin Qazaqstannyñ Halyq ärtisi, Qazaqstannyñ Eñbek Eri R. Rymbaeva, Qazaqstannyñ Eñbek siñirgen ärtisi A. Nūrmağambetova, Qazaqstannyñ eñbek siñirgen qairatkerleri E.Rysqali, A.Jyltyrközov bastağan bir top ärtisimiz Semei qalasyna attandy. Äri qarai gastroldik sapar Kurchatov, Ridder, Serebryansk, Altai qalalarynda jalğasady.

            Sonymen qatar, baspasöz mäslihatyna qatysushylar «Qazaqkontserttiñ» 62-kontsert mausymyndağy basty jañalyqtarmen bölisti. Olardyñ qatarynda «Almatydağy Altyn küz «Qazaqkontsertpen» birge» atty öner festivali «Astana musical» memlekettik teatrynyñ Qyzylorda oblysyna gastroldik sapary, «Aldar köse» miyzikliniñ premerasy, «Ūlttyq öner ortalyğynyñ», giperrealist Aidos Esmağambetovtyñ galereyasynyñ ashyluy, biylğy Balalar jylynyñ ayasynda ūiymdastyrylyp otyrğan «Balalar filarmoniyasy», «Arman asulary» jobalary, halyqaralyq «Alem saz» festivali, «Orteke» dästürli teatr öneri forumy siyaqty jyl soñyna deiin josparlanğan sharalar tanystyryldy.