Roza Bağlanova atyndağy «Qazaqkontsert» memlekettik kontserttik ūiymynyñ shyğarmashylyq ūjymy «El birligi - jaña Qazaqstan» jobasy ayasynda nauryzdyñ 12-18 künderi aralyğynda Körisu meiramyna orai Mañğystau oblysynyñ Aqtau qalasy, Jañaözen monoqalasy, Mūnaily, Beineu audandary men «Qarajanbas», «Qalamqas» mūnai ken oryndarynda, «Otpantau» tarihi-mädeni kesheninde kontsertter berdi. 

Memleket basshysy Qasym-Jomart Toqaevtyñ monoqalalardy damytu tapsyrmasyna säikes, 2022 jyly «Qazaqkontsert» ūjymy gastroldik saparmen jaña oblystar Abai, Ūlytau, Jetisudyñ jäne Shyğys Qazaqstan,Türkistan, Jambyl oblystarynyñ eldi-mekenderin aralap, öñir tūrğyndaryna arnaiy kontsert berip qaitqan bolatyn.

Aita keteiik, «EL BIRLIGI – JAÑA QAZAQSTAN» jobasy Qazaqstan Respublikasy Mädeniet jäne sport ministrliginiñ qoldauymen kezeñ-kezeñmen 2022-2025 jyldar aralyğynda iske asyrylady.    
Jobanyñ maqsaty – öñir tūrğyndary üshin mädeni qūndylyqtardyñ qoljetimdiligin qamtamasyz etu, öner qairatkerlerine qoldau körsetu jäne ūlttyq önerdi däripteu. 

Gastroldik kontsertterge Qazaqstannyñ eñbek siñirgen qairatkerleri Jeñis Ysqaqova, Aigül Elshibaeva, Raushan Orazbaeva, respublikalyq baiqaulardyñ laureattary Dinislambek Jailaubai, Älihan Düisenbai, «Astana Sazy» qazaq memlekettik folklorlyq ansambli, «Melomen» jäne «T&Y» toby qatysty. Kontsertterdi «Halyq qazynasy» ūlttyq öner ortalyğynyñ ärtisi Jasūlan Nauryzbaiūly jürgizdi. 

Sondai-aq, «TURAN» folklorly-Etnografiyalyq ansambli qūrylğanyna 15 jyl toluyna orai Atyrau, Aqtau, Jañaözen qalalarynda jäne «Otpantau» tarihi-mädeni kesheninde Körisu meiramyna arnaiy merekelik kontsert ūsyndy.