Qazaqtyñ muzykalyq aspaptary köshpeli ömirdiñ ärtürli jağdaiynda qoldanylğan. «Roza Bağlanova atyndağy «Qazaqkontsert» memlekettik kontserttik ūiymynyñ «Halyq qazynasy» ūlttyq öner ortalyğynyñ ärtisteri «Dombyra men jetigen ündestigi» atty lektsiya-kontsertte elordalyq oqushylarğa osy jäne basqa da jaittar turaly aityp beredi. «Balalar filarmoniyasy» jobasy ayasynda jüzege asatyn is-shara öskeleñ ūrpaqtyñ dästürli türki mädenietine degen qyzyğushylyğyn oyatuğa arnalğan.

Öner ūjymynyñ ärtisteri jas körermenderge qazaq halqynyñ dästürli muzykalyq aspaptarynyñ köne tarihy men qūrylymy turaly äñgimelep, dombyra men jetigenniñ üilesimdi üniniñ keibir syrlaryn ashady jäne körermenderdiñ sūraqtaryna jauap beredi. Sondai-aq, arnaiy balalar üshin köne küiler men qazaqstandyq jäne sheteldik kompozitorlardyñ tanymal shyğarmalary oryndalady.

Jürgizushi - «Halyq qazynasy» ūlttyq öner ortalyğynyñ jetekshisi Jasūlan Nauryzbaiūly.

Aita keteiik, «Balalar jyly» ayasynda 2022 jyldyñ qyrküiek aiynda «Roza Bağlanova atyndağy «Qazaqkontsert» memlekettik kontserttik ūiymy «Balalar filarmoniyasy» jobasyn iske qosqan bolatyn. Atalmysh joba biyl da jalğasyn tauyp, balalar üshin arnaiy kontserttik is-sharalar men lektsiyalar jäne sheberlik sabaqtar ūiymdastyrylady.