«Öskeleñ ūrpaqtyñ üilesimdi damuy, baqytty balalyq shağy – bizdiñ jalpyūlttyq mindetimiz. Bala tärbiesi – eldiñ jarqyn bolashağynyñ kepili» degen bolatyn Prezident Qasym-Jomart Toqaev. Būl turaly memleket basshysy öz joldaularynda da ünemi aityp jür. Osyğan bailanysty qazirgi qoğam aldynda jas ūrpaqtyñ shyğarmashylyq äleuetin anyqtau jäne odan äri damytu üshin qolaily jağdai jasau mindeti tūr.

«ARMAN ASULARY» pilottyq jobanyñ negizgi mindeti – Qazaqstannyñ barlyq aimaqtarynan erekshe qajettilikteri bar balalar arasyndağy talanttylardy anyqtau, shyğarmashylyq qabiletterin arttyru, damytuğa qajetti jağdai jasau jäne qoldau körsetu.

«ARMAN ASULARY» jobasynda daryndy balalar «Bi öneri», «Vokaldyq öner», «Aspapta oryndau», «Ändi ym-isharamen oryndau», «Ūlttyq kiim dizainy» janrlary boiynsha öner körsetti.

Gala-kontserttiñ ereksheligi – balalardyñ käsibi ärtistermen jäne shyğarmashylyq ūjymdarmen yntymaqtastyğy bolyp tabyldy. Kontserttik bağdarlamada tanymal öner jūldyzdary men «Qazaqkontserttiñ» solisteri öner körsetti. Atap aitatyn bolsaq, Roza Rymbaeva, Aijan Nūrmağambetova, Qūrmash Mahan, Azamat Jyltyrközov, Saltanat Meñdiğalieva, Älibek Älmädiev, Ruhiya Baidukenova, Didar Äbduhalyq, Güldana Akimova (fleita), «Melomen» toby, «Astana sazy» memlekettik folklorlyq ansambli, «TURAN» folklorly-Etnografiyalyq ansambli, «Forte Trio» jäne «Saz&Soul» shyğarmashylyq toptary körermenniñ közaimyna ainaldy.   

Kesh qonaqtary: Orta Aziyadağy eñ alğashqy «Qanattylar» inkliyzivti teatry (jetekshi Arnūr iskakov), Altynshash Mūqataeva (2022 Sochi baiqauynyñ jeñimpazy, halyqaralyq baiqaulardyñ laureaty) jäne jas änshi Sevda boldy.

«Qazaqkontsert» memlekettik kontserttik ūiymynyñ Ortalyq kontsert zalynyñ foiesinde festivalge qatysushy balalardyñ beineleu jäne sändik-qoldanbaly öner tuyndylaryn qoidy.

Gala-kontsertte Türkistan, Shyğys Qazaqstan, Abai, Qarağandy, Pavlodar, Soltüstik Qazaqstan oblystarynan, Shymkent qalasynan, sondai-aq, Astana qalasyndağy BINOM SCHOOL men «Nūrly jürek» äleumettik qamsyzdandyru ortalyğynan 150-ge juyq daryndy balalar öner körsetti. Festival qatysushylarynyñ arasynda halyqaralyq «Jūldyzai» balalar shyğarmashylyğy baiqauynyñ, sondai-aq respublikalyq, oblystyq balalar baiqaulary jäne öner festivalderiniñ jeñimpazdary men laureattary boldy.

 «ARMAN ASULARY» pilottyq jobasynyñ seriktesteri: Respublikalyq mañyzy bar qala jäne oblys äkimdikteri, «BI Group» innovatsiyalyq qūrylys holdingi,  «BI Jūldyzai» Korporativtik Qory, BINOM SCHOOL, «Nūrly jürek» äleumettik qamsyzdandyru ortalyğy jäne «Gentelmen’s Club» jekemenshik qaiyrymdylyq qory.

Festival bağdarlamasy boiynsha:

2022 jylğy 12 qarashada

12:00 - «Paralimpiets» filminiñ körsetilimi

14:00 - «ARMAN ASULARY»  jobasyna arnalğan baspasöz mäslihaty

14:40 - BINOM SCHOOL men «Nūrly jürek» äleumettik qamsyzdandyru ortalyğy balalarynyñ sändik-qoldanbaly öner jäne suret körmesiniñ ashyluy

15:00 - «ARMAN ASULARY» pilottyq jobasynyñ Gala-kontserti ötti.