Qazaqtyñ kieli qara dombyrasy men qobyz ünimen aitylatyn dästürli änder legi sonau yqylym zamannan beri ūrpaqtan-ūrpaqqa jalğasyn tauyp keledi. Būdan bölek jetigen, sybyzğy, sherter jäne adyrna aspaptarymen aitu öneri dästürli än-küi mektebinde keñinen qalyptasqany belgili. Ataqty Birjan sal men Aqan seri, Maira Uäliqyzy, Shashubai syndy birtuar önerpazdardyñ esimi Arqanyñ dästürli öner mektebimen tyğyz bailanysty. Zaman talabyna sai dästürli än öneri qazir de nasihattalyp, jan-jaqty damu kezeñine ötti.
Kontserttik is-sharanyñ maqsaty – Arqanyñ dästürli änshilik jäne küishilik öneriniñ damuyna atsalysu, muzykalyq jäne poEziyalyq bağyttyñ ereksheligin halyqqa tereñirek tüsindiru bolyp tabylady. Arqa öñiriniñ sal-serileri men küishilerdiñ tuyndylaryn kontserttik ūjymnyñ «Halyq qazynasy» ūlttyq öner böliminiñ önerpazdary oryndaidy. 
Is-sharağa belgili küishi, kompozitor, Qazaqstannyñ eñbek siñirgen qairatkeri Janğali Jüzbai, QR Mädeniet qairatkeri Tolğanbai Sembaev, Qazaqstannyñ eñbek siñirgen qairatkerleri Qūmarbek Qalqatai, Klara Tölenbaeva, QR Mädeniet salasynyñ üzdigi Qairat Aitbaev jäne Perizat Tūrarova, halyqaralyq jäne respublikalyq baiqaulardyñ laureattary Dinislambek Jailaubai, Aizat Qarabek, «Daryn» jastar syilyğynyñ iegerleri Ardaq Eleusiz, Asqar Mūqiyat pen respublikalyq baiqaulardyñ laureaty Aman Säduov qatysady.
Ruhani kemeldenip, erekshe äser syilaityn ädemi keshten qapy qalmañyzdar! Biz sizderdi kütemiz, qūrmetti körermender!