Memleket basshysy Qasym-Jomart Toqaevtyñ monoqalalardy damytu tapsyrmasyna säikes, Qazaqkontsert shyğarmashylyq ūjymy «EL BIRLIGI – JAÑA QAZAQSTAN» jobasy ayasynda nauryzdyñ 12 küninen bastap Mañğystau, Atyrau, Batys Qazaqstan, Aqtöbe oblystarynyñ 30-ğa juyq eldi-mekenin aralap, kontsert berdi. 

6-säuir küni Aqtöbe qalasyndağy «Öner ortalyğy» kontsert zalynda  atalmysh jobanyñ biylğa josparlanğan qorytyndy kontserti ötti. Kontsertke Qazaqstannyñ Halyq ärtisi Maqpal Jünisova, Qazaqstannyñ eñbek siñirgen qairatkerleri Saltanat Ahmetova, Elmūra Jañabergen, Medet Salyq, Klara Tölenbaeva, Asqar Mūqiyat,  respublikalyq baiqaulardyñ laureattary Ämre, Saltanat Meñdiğalieva, «Astana Sazy» qazaq memlekettik folklorlyq ansambli qatysty. 

Aita keteiik, «EL BIRLIGI – JAÑA QAZAQSTAN» jobasy Qazaqstan Respublikasy Mädeniet jäne sport ministrliginiñ qoldauymen kezeñ-kezeñmen 2022-2025 jyldar aralyğynda iske asyrylady.    
Jobanyñ maqsaty – öñir tūrğyndary üshin mädeni qūndylyqtardyñ qoljetimdiligin qamtamasyz etu, öner qairatkerlerine qoldau körsetu jäne ūlttyq önerdi däripteu. 

2022 jyly bastalğan joba sheñberinde byltyr «Qazaqkontsert» ūjymy gastroldik saparmen jaña oblystar Abai, Ūlytau, Jetisudyñ jäne Shyğys Qazaqstan,Türkistan, Jambyl oblystarynyñ eldi-mekenderin aralap, öñir tūrğyndaryna arnaiy kontsert berip qaitqan bolatyn.