«Roza Bağlanova atyndağy «Qazaqkontsert» memlekettik kontserttik ūiymy «Astana Sazy» qazaq memlekettik folklorlyq ansambliniñ solisi, halyqaralyq baiqaulardyñ laureaty Daryn Qūdaibergenniñ jeke shyğarmashylyğyna arnalğan «Töremūrat» atty kontserttik is-shara ötkizedi.
Zertteulerge süiensek, Q.Sağyrbaiūlynyñ «Töremūrat» atty küiiniñ tarihy tereñde jatyr. Qazaqtyñ aspapty muzyka öneriniñ klassigi atalmysh küidi kieli öñir Mañğystau jerinde jürgende düniege keltiripti. Töremūrat – on eki ata Baiūlynyñ ishindegi Taz ruynyñ ataqty batyrlarynyñ biri. Tuğan elin syrtqy jaulardan qorğap, talai märte erlik märtebesine ie bolğan.
Kontserttik bağdarlamada qazaq küi öneriniñ klassigi Qūrmanğazy Sağyrbaiūlynyñ «Töremūrat», «Qairan sheshem», «Aqsaq kiik», «Aqbai», «Serper» jäne t.b küileri oryndalady. Sondai-aq, halyq kompozitorlarynyñ üzdik tuyndylary körermender nazaryna ūsynylady. Aita keteiik, būdan bölek D.Qūdaibergenniñ repertuarynda Qūrmanğazynyñ «Baijūma», «Terisqaqpai», Qazanğaptyñ «Tory jorğa», «Küi shaqyrğysh Aqjeleñ», Mahambettiñ «Jūmyr», N.Tilendievtiñ «Älqissa», «Jekpe-jek» jäne t.b. küileri bar. 
Keshke «Daryn» memlekettik jastar syilyğynyñ laureaty Ardaq Eleusiz, halyqaralyq baiqaulardyñ laureaty Aizat Qarabekova, «Astana sazy» qazaq memlekettik folklorlyq ansambli jäne t.b. qatysady.