Qazaqkontsert belgili küishi, folklortanushy, Qazaqstannyñ eñbek siñirgen öner qairatkeri Aitjan Toqtağannyñ 80 jas mereitoiyna orai «BIZDIÑ JÄRMEÑKE» - küi shejire kontsertin ūsynady.

«Bizdiñ järmeñke - küi shejire» kontserti - qazaqtyñ küi öneri men ūlttyq mūrasyn däripteitin ruhani kesh. Is-shara barysynda dästürli küiler oryndalyp, körermenge tereñ tarih pen tağylymğa toly äserli muzykalyq bağdarlama ūsynylady. Būl kesh küi öneriniñ qūdiretin tanytyp, ūlttyq mädenietimizdiñ bai shejiresin nasihattaityn mädeni shara.

A.Toqtağan Qali Jantileuov, Shamğon Qajyğaliev, Qūbysh Mūhitov, Baqyt Qarabalina siyaqty belgili küishi-kompozitorlardan tälim alğan. Özi de köptegen shäkirt tärbielep, ūstazdyq jolynda mol täjiribe jinağan bilikti pedagog. Ol sondai-aq, qazaqtyñ küi önerin jan-jaqty zerttegen Ahmet Jūbanov pen jazushy, ğalym Aqseleu Seidimbektiñ ğylymi dästürin jalğastyrushy tūlğalardyñ biri.

San jyldyq eñbeginiñ nätijesinde küi tarihyn zerttep birneshe ğylymi eñbekter men kitaptar jazdy. Äsirese būryn notağa tüspegen küilerdi hatqa tüsirdi. Sonymen qatar «Küi täñirdiñ kübiri», «Küi kerueni», «Atyraudyñ 62 Aqjeleñi» küi jinaqtary men ğylymi zertteu jūmystarynyñ avtory.

Is-sharağa «Halyq qazynasy» ūlttyq öner ortalyğynyñ ärtisteri jäne dästürli önerdi nasihattap jürgen elimizdiñ tanymal önerpazdary qatysady.

Ūltymyzdyñ ūly mūrasy ūlyqtalatyn biregei sharadan qapy qalmañyz!