Qazaqkontsert tanymal änshi, «Eren eñbegi üshin» medaliniñ iegeri Bauyrjan isaevtyñ shyğarmashylyğyna 30 jyl toluyna arnalğan «Ayaulym» atty muzykalyq keshin ötkizedi.

Bağdarlamada belgili kompozitorlar Tölegen Mūhamedjanov, Eskendir Hasanğaliev, Erkesh Shakeev, Keñes Düisekeev, Arman Düisenov, Seidolla Bäiterekov shyğarmalary, sondai-aq Shömishbai Sariev pen Qadyr Myrzalievtiñ öleñderine jazylğan änder Estradalyq-simfoniyalyq orkestrdiñ jäne hordyñ süiemeldeuimen ūsynylady.

Sondai-aq, bağdarlamada älemdik klassikalyq krossover, pop, dästürli Estrada jäne qazaq muzykasy üilesim tabady. Körermen qazaq jäne orys tilderindegi shyğarmalardy tyñdap, älemdik muzykanyñ tanymal änderin jaña qyrynan tamashalai alady.

Is sharağa Qazaqstannyñ Halyq ärtisi Roza Rymbaeva jäne Nağima Esqalieva, Qazaqstannyñ eñbek siñirgen qairatkeri Jūbanysh Jeksenūly, sondai-aq, tanymal änshiler Qairat Nūrtas pen Asqar Jailaubaev, Jänibek Saparov jäne QR Ūlttyq ūlanny erler hory qatysady.

Bauyrjan isaev köptegen respublikalyq jäne halyqaralyq baiqaulardyñ jüldesin jeñip alğan. Atap aitqanda, «Arai» jas oryndaushylar jäne «Aziya dauysy» halyqaralyq baiqaularynyñ Gran-pri iegeri, «Jas qanat», «Pamukkalle», (Türkiya, Denizli q.), «Slavyan bazary» jäne Shanhaida ötken halyqaralyq oryndaushylar baiqaularynyñ diplomanty atandy.