Qazaqkontsert sizderdi dästürli änshi, qazaq än öneriniñ darabozy jäne abyz tūlğasy, Qazaqstannyñ Halyq ärtisi, Eñbek Eri, Memlekettik syilyqtyñ laureaty Qairat Baibosynovtyñ 75 jyldyq mereitoiyna arnalğan «Aibozym» atty muzykalyq keshke shaqyrady.

Kontserttik bağdarlamada änshiniñ repertuaryndağy halyq änderi men töl tuyndylary shyrqalyp, ūlttyq önerge qosqan bağa jetpes eñbegi men önegeli joly nasihattalady. Kesh barysynda öner iesiniñ shäkirtteri men zamandastary qūrmet körsetip, miyzikl ülgisindegi mereitoi iesi ömiriniñ qyzyqty sätteri dialogtarmen, tyñ tuyndylarmen jäne būryn-soñdy bolmağan qoiylymmen halyqqa ūsynylady.

Änshiniñ shyğarmashylyğy qazaq muzykasynyñ tarihyndağy tūtas däuirdi qamtidy. Halyq mūrasyn ūlyqtaushy, dästürli än öneriniñ shynaiy janashyry Qairat Baibosynov ūmyt bolğan, sirek oryndalatyn halyq änderin qaita tiriltip, tyñdarman jüregine jetkizgen biregei tūlğa. Ol qazaq öneriniñ abyroiyn alys-jaqyn shet elderde de asqaqtatty. Atap aitqanda, AQSh, Japoniya, Germaniya, Frantsiya, ispaniya, italiya, Türkiya, Qytai, Birma, Singapur syndy memleketterde ötken kontserttik saparlarynda ūlttyq än önerin tanystyryp, sheteldik körermenniñ ystyq yqylasyna bölendi.

Is-sharada Qazaqstannyñ halyq ärtisteri Maira Iliyasova, Qapash Qūlysh, Ramazan Stamğaziev, Qyrğyzstannyñ Halyq ärtisi Roza Amanova, Qazaqstannyñ eñbek siñirgen ärtisi Ğalym Mūhamedin, Qazaqstannyñ eñbek siñirgen qairatkerleri Janğali Jüzbai, Säule Janpeiisova, Erlan Rysqali, Aigül Qosanova, Erbolat Shaldybekov, Gülmira Sarina, Klara Tölenbaeva, Erbol Aitbaev, Ardaq Balajanova, Däurenbek Ärkenov, Serjan Mūsaiyn, Mädeniet qairatkerleri Tolğanbai Sembaev, Erkin Shükiman, sondai-aq, Qazaqstannyñ eñbek siñirgen qairatkeri Qaraqat Äbildina jäne «Qaraqat» mektep-studiyasy, Mädeniet salasynyñ üzdigi Perizat Tūrar, respublikalyq jäne halyqaralyq baiqaulardyñ laureattary Aqerke Täjibaeva, Ayaulym Qamajan, Dariya Bekpenbetova, tanymal qobyzshy Oljas Qūrmanbek, «Gülder» ansambliniñ bishisi Aqqanat Smağūlova jäne t.b. öner körsetedi.

Ūlttyq ruh pen önerdiñ ūly mektebine ainalğan Qairat Baibosynovtyñ mereitoilyq keshin birge tamashalañyz!