Baýyrjan Aqtaev – belgili kompozıtor, kóptegen aspapta erkin oınaıtyn talantty mýzykant, "Astana sazy" qazaq memlekettik fólklorlyq ansambliniń kórkemdik jetekshisi.

Kompozıtor Baýyrjan Aqtaev kóptegen óner ujymdary úshin 60 kúı men óleńge arnalǵan aranjırovka jazǵan, onyń ishinde 10 kúıdiń avtory bolyp tabylady. Ol – «Bir kem dúnıe» (2013 j.) fılmine, «Uly dala dúbiri» (2013 j.), «Málim de beımálim Qazaqstan» (2014 j.) derekti fılmderine, Sh.Aıtmatovtyń «Borandy beket» (2015 j.). tragedıasy boıynsha «Máńgúrt» qoıylymyna mýzyka jazǵan kompozıtor.

Bilimi:
• 2008 jyly – Atyraý qalasyndaǵy D.Nurpeısova atyndaǵy mýzykalyq kolejdiń mýzykalyq mektebi, «Skrıpka» mamandyǵy;
• 2012 jyly – Qurmanǵazy atyndaǵy Qazaq ulttyq konservatorıasy «Dástúrli mýzykalyq óner» mamandyǵy (Almaty qalasy).

Shyǵarmashylyq jetistikteri:

• 2002 – M. Ótemisovtiń 200 jyldyǵyna arnalǵan dástúrli oryndaý boıynsha respýblıkalyq baıqaýda bas júlde;
• 2005 – «Dombyra» nomınasıasy boıynsha «Shabyt» halyqaralyq festıvaliniń dıplomanty;
• 2007 – Respýblıkalyq dombyrashylar baıqaýynda İ oryn;
• 2011 – «Babalar sazy» balalar fólklorlyq ansambli «Ǵasyrlar Sazy» halyqaralyq festıvaliniń laýreaty;
• 2013 – «Súıinbaı sazy» fólklorlyq ansambli ansámblder arasyndaǵy baıqaýdyń bas júlde ıegeri;
• 2013 – «Aq erke Jaıyq» ansambli Reseıdegi Halyqaralyq baıqaýdyń bas júldesin jeńip aldy;
• 2013 – «Ǵasyrlar Sazy» Halyqaralyq festıvaliniń laýreaty;
• 2014 – D.Nurpeısova atyndaǵy mýzykalyq kolejiniń stýdentteri Respýblıkalyq ansámblder baıqaýynda İ oryn;
• 2015 – «Aq erke Jaıyq» ansambli «Ǵasyrlar Sazy» Halyqaralyq festıvaliniń laýreaty;
• «Espaı» (Qyzylqoǵa aýdany) fólklorlyq ansambli Baýyrjan Aqtaevtyń jetekshiligimen oblystyq baıqaýlardyń laýreaty atandy.