2022 jyldyñ tamyz aiynda «Roza Bağlanova atyndağy «Qazaqkontsert» memlekettik kontserttik ūiymy aty añyzğa ainalğan shyğarmashylyq ūjym «GÜLDER» ansamblin jañğyrtu jobasyn qolğa aldy.

Qazaq öneriniñ inju-marjany – «GÜLDER» ansambli 1968 jyly qūrylyp, 1969 jyly 29 qazanda sahnağa shyqqan. Alğashqy jetekshisi QR halyq ärtisi Güljihan Ğalieva. Ansambl az uaqyt ishinde keñinen tanylyp, köptegen shet memleketterde sahnağa shyğyp, el maqtanyshyna ainaldy. Qazaqstannyñ belgili ärtisteri Sara Tynyshtyğūlova, Roza Rymbaeva, Qapash Qūlysheva, Qairat Baibosynov, Aijan Nūrmağambetova, Maqpal Jünisova, Nağima Esqalieva, Maira Nürkenova, Jeñis Ysqaqova, Baqyt Shadaeva, Baqtiyar Tailaqbaev, Sembek Jūmağaliev, Gülnär Siqymbaeva, Qanat jäne Aitkül Qūdaibergenov syndy öner maitalmandary shyğarmashylyğyn «Gülderde» bastady.

«GÜLDER» ansamblin jañğyrtu jobasyn jüzege asyru maqsatynda ūjymğa shyğarmashylyq oqu oryndarynyñ tülekteri alyndy. Täjiribeli tälimgerler – bas baletmeister retinde Anvara Sadyqova jäne jobanyñ körkemdik jetekshisi äri dirijeri Serik Däuletov shaqyryldy.

Jobağa daiyndyq kezinde «GÜLDER» ansambliniñ mūrağattyq materialdary mūqiyat zerdelenip, toptyñ «altyn qorynan» eñ üzdik nömirler iriktelip alyndy. Sonymen qatar barlyq jastağy körermender üshin qyzyqty, ärtürli janrdağy shyğarmalar men jaña muzykalyq-horeografiyalyq tuyndylar qoiy jūmystary bastaldy.

2023 jyldyñ 1 nauryzynda «QAZAQSTAN» ortalyq kontsert zalynda «GÜLDER» ansambliniñ jaña qūramynyñ tūsaukeser kontserti ötti. Keshke qazaq Estradasynyñ maitalmany, «GÜLDER» ansambliniñ alğashqy solisteriniñ biri, Qazaqstannyñ Halyq ärtisi Roza RYMBAEVA, jas änshiler Mädi SYZDYQOV, Zarina BOJAKOVA, Didar ÄBDIHALYQ jäne Saltanat MEÑDIĞALiEVA, «TURAN» folklorly-Etnografiyalyq ansambli men «Steppe Sons» alternativ-folk toby qatysty.