Roza Bağlanova atyndağy «Qazaqkontsert» memlekettik kontserttik ūiymynyñ Qazaq memlekettik simfoniyalyq orkestri elorda tūrğyndary men qonaqtaryn «JAÑA ESIMDER» atty kontsertine shaqyrady. 

Simfoniyalyq muzyka keshinde Erbolat Ahmedyarov (Qazaqstan) jäne Eldar Saparaev (Shveitsariya) dirijerlik etedi.

Kesh bağdarlamasynda David Oistrahty eske aluğa arnalğan «Astana Violin» H halyqaralyq skripkashylar baiqauynyñ laureattary - Sofi BrEnson (Shveitsariya), Gulnaz Muhambetualieva (Qazaqstan), Amina Ahmetjanova (Qazaqstan), Nikita Evgenii Koller (Shveitsariya) syndy virtuoz jas skripkashylardyñ oryndauynda türli janrdağy sheteldik kompozitorlardyñ tanymal tuyndylary oryndalady, atap atsaq,                          ya. Sibeliustyñ «Orkestrmen skripkağa arnalğan kontserti»,                                  G. Venyavskiidiñ «Orkestrmen skripkağa arnalğan №2 kontserti»,                             P. Sarasateniñ «Tsyganskie napevy», A. Hachaturyannyñ «Orkestrmen skripkağa arnalğan kontserti», E. Hubaidyñ «Fantaziya na temy iz opery J. Bize «Karmen» syndy shoqtyğy biik shyğarmalary bar.

Aita ketu kerek, «Astana Violin» halyqaralyq skripkashylar baiqauy qatysushylar men körermenderdiñ asyğa kütetin is-sharalarynyñ birine ainaldy. Biyl shyğarmashylyq saiysqa 10-28 jas aralyğyndağy 50 skripkashy qatysty. Otandyq jäne sheteldik kelesheginen zor ümit küttiretin jas oryndaushylardyñ önerlerin älemniñ türli elderinen kelgen tanymal muzykanttardan qūralğan qazylar alqasy bağalady.

Jobanyñ basty maqsaty - Qazaqstanda klassikalyq muzykany nasihattau, talantty oryndaushylardy anyqtau jäne yntalandyru.

Eldar Saparaev - qazaqstandyq violonchelist jäne dirijer. Köptegen halyqaralyq baiqaulardyñ jeñimpazy, Bah atyndağy Halyqaralyq akademiyanyñ müshesi, Memlekettik öner universitetiniñ professory (Sloveniya, Liyblyana q.), Klassik Konstanz qorynyñ törağasy (Germaniya), Global Music Partnership halyqaralyq mädenietti damytu qorynyñ europa böliminiñ törağasy (AQSh). 2022 jyly halyqaralyq TURKSOY ūiymynyñ Qazaqstan mädenietine qosqan ülesi üshin Abai atyndağy altyn ordenimen marapattaldy.

Erbolat Ahmedyarov - Qazaqstannyñ eñbek siñirgen qairatkeri, Abai at. QazŪOBT bas dirijeri. MaEstro Qūrmanğazy at. Qazaq ūlttyq konservatoriyasyn opera-simfoniyalyq dirijerleu (professor Abdrashev T.A. synyby) jäne fortepiano (ağa oqytushy Urmancheev T. A. synyby) mamandyqtary boiynsha üzdik tämamdap, assistentura-konservatoriyanyñ tağylymdamasynan ötti. E. Ahmedyarov opera, balet jäne simfoniyalyq bağdarlamalarda öner körsetumen shektelmei, dirijerlik mansabyn oqytushylyq qyzmetpen sätti ūshtastyruda. Dirijerlik shyğarmashylyğynda köptegen marapattarğa ie boldy. Köptegen halyqaralyq konkurstardyñ laureaty jäne opera önerin damytuğa qosqan ülesi üshin Qazaqstan Respublikasynyñ Tūñğysh Prezidenti – Elbasy Qory syilyğynyñ iegeri atandy.

Eske salaiyq, qazaq memlekettik simfoniyalyq orkestri – Qazaqstan Respublikasynyñ jetekshi muzykalyq ūjymdardyñ biregeii. Orkestr qūramy asqan virtuoz sheberler men kameralyq muzykalaudyñ üzdik älemdik dästürlerin damytyp jürgen halyqaralyq baiqaulardyñ laureattary, yağni joğary käsibi muzykanttardan qūralğan. Daryndy 90 muzykanttan tūratyn orkestr ärtürli däuirler men stilderdiñ tuyndylaryn jäne barokko, klassikalyq jäne zamanaui muzyka oryndau önerin joğary därejede meñgergen. Ūjym shyğarmashylyğynyñ mañyzdy böligi -  ūlttyq muzyka, halyq änderi men küilerin orkestrlik öñdeu, sondai-aq qazirgi qazaq kompozitorlarynyñ shyğarmalaryn oryndau. 

Orkestr 1991 jyly älemge äigili skripkashy, Qazaqstan Respublikasynyñ Halyq ärtisi, Qazaqstannyñ Eñbek Eri, professor, Qazaq ūlttyq universitetiniñ rektory, orkestrdiñ körkemdik jetekshisi Aiman Mūsahadjaevanyñ bastamasymen qūryldy.

Orkestrdiñ bas dirijeri - Qazaqstan Respublikasynyñ Eñbek siñirgen qairatkeri, QazŪÖU professory Baqytjan Mūsahodjaeva.