Roza Bağlanova atyndağy «Qazaqkontsert» memlekettik akademiyalyq kontserttik ūiymynyñ «Halyq qazynasy» ūlttyq öner ortalyğy Kenen Äzirbaevtiñ 140 jyldyğyna orai ötkiziletin «Jetisu öñiriniñ än-küi mūrasy» atty kontsertine shaqyrady.

Jetisu öñiriniñ än-küi mektebi - özge öñirlerdiñ ən saluy men küi shertuine ūqsamaityn özindik məneri bar erekshe mektepterdiñ biri. Jetisu öneriniñ ən-küii Qaban jyrau, Süiinbai Aronūly, Dəuren saldardan bastau alady. Küishilik öneri Jambyl Jabaev, Kenen Əzirbaev syndy däulesker küishilerdiñ esimimen tyğyz bailanysty. Odan bölek, Nūrğisa Tilendievtiñ küishilik öneri qazaq muzyka mädenietine öshpes iz qaldyrdy.

Kontserttik bağdarlamada körermen nazaryna atalğan Jetisu öñiriniñ än-küi mektebiniñ ökilderimen qatar, Jetisu jeriniñ darabozdary Sädiqoja Moshanūly jäne Qapez Baiğabylūlynyñ būryn-soñdy el estimegen jäne keñinen taralmağan änderi ūsynylady.

Muzykalyq keshke «Halyq qazynasy» ūlttyq öner böliminiñ önerpazdary jäne shaqyrylğan qonaqtar qatysady. Atap aitqanda, Qazaqstannyñ eñbek siñirgen qairatkerleri Janğali Jüzbai, Erlan Rysqali, Qūmarbek Qalqatai, Elmūra Jañabergen, Raushan Orazbaeva, Aigül Elshibaeva, Ardaq Balajanova, Nūrbolat Arzamasūly, QR Mädeniet qairatkerleri Tolğanbai Sembaev, Erbolat Shaldybekov, QR Mädeniet salasynyñ üzdikteri Qairat Aitbaev, Perizat Tūrarova, Batyrlan Äbenov, Gülniza Jūmajanova, «Daryn» memlekettik jastar syilyğynyñ laureaty Asqar Mūqiyat, halyqaralyq jäne respublikalyq baiqaulardyñ laureattary Dinislambek Jailaubai, Birjan Aitahmet, Jazgül Dañylbaeva, Jasūlan Esimhan, Bekarys Köshtaev, Bauyrjan Mūhametbai qatysady. Kesh jürgizushisi – «Halyq qazynasy» ūlttyq öner ortalyğynyñ jetekshisi Jasūlan Nauryzbaiūly.