«ASTANA MUSICAL» memlekettik teatry sahnalaityn R. Kunidiñ «№13» komediyasynda qoğamnyñ igiligi üshin qyzmet atqarudyñ ornyna demaludy ūiğaryp, bes jūldyzdy qonaqüidiñ 13-nömirinde öziniñ sayasi qarsylasynyñ hatshysymen qūmarlyqqa boi aldyrğan Richard Uillidiñ basynan ötken oqiğasy bayandalady. Kütpegen jerden äuesqoilar nömir terezesinde ölgen adamnyñ denesin tabady. Osy sätten barlyq qyzyq bastalady... 

San aluan janrlardy biriktirgen spektaklde shieliniske toly äreketterdiñ qaitalanuy, sayasi oqiğalardyñ körinis tabuy körermenderdi är türli Emotsiyağa bölep, tañğaldyrary anyq. Keiipkerlerdiñ barlyğy jäne jeke-jeke obrazdar jağymdy äser qaldyrady. Būl shytyrman oqiğa aq pen qara, jaqsy men jaman jaily oitolğau maqsatynda emes, tek külki syilau maqsatyna negizdelgen. 

Ağylshyn dramaturgy R. Kunidiñ «№13» pesasy - bükil älem teatr sahnalarynyñ sänine ainalğan sätti tuyndy. Britan teatrynyñ altyn qoryna HH ğasyrdağy eñ üzdik ağylshyn komediyalarynyñ biri retinde engen pesa.

R. Kunidiñ pesasynyñ jelisimen sahnalanğan spektakldiñ rejisseri äri teatrdyñ körkemdik jetekshisi E.Nūrtazin arnaiy jazylğan muzykalyq partiyalar arqyly är keiipkerdiñ minezin ashuğa basa nazar audarğan.

Daryndy rejissura teatrdyñ jetekshi ärtisteri – A.Baitileu, A.Ömirzaqov, A. Aqipbaev, A. Qapiz, Z. Tashtaeva, A. Shäuenov, A. Qūsaiynova, Z. Makina, M. Rahymbergen, N. Abduraev, S. Makulbaev jäne B. Bağytjanovtyñ talantty akterlik oiynymen ädemi örilgen.

Rejisserdiñ qiyaly akter öneriniñ erkindigimen ūshtasqan būl qoiylym sizge köteriñiki köñil-küi syilaityny anyq. Elimizdiñ abyroiyn asqaqtatyp jürgen teatrymyzdyñ 13-bölmedegi qyzyqtaryn tamashalauğa shaqyramyz!