«Roza Bağlanova atyndağy «Qazaqkontsert» memlekettik kontserttik ūiymy «EL BIRLIGI – JAÑA QAZAQSTAN» jobasy ayasyndağy gastroldik saparyn 15-19 tamyz künderi Qostanai oblysynda jalğastyrady. Sondai-aq, atalmysh is-shara QR Eñbek siñirgen ärtisi, «Qūrmet» ordeniniñ kavaleri Aijan Nūrmağambetovanyñ sahnadağy shyğarmashylyğyna 45 jyl toluyna orai ūiymdastyrylyp otyr. 

 Memleket basshysy Qasym-Jomart Toqaevtyñ monoqalalardy damytu tapsyrmasyna säikes, 2022 jyly «Qazaqkontsert» ūjymy gastroldik is-saparmen jaña oblystar Abai, Ūlytau, Jetisu jäne Shyğys Qazaqstan, Türkistan, Jambyl oblystarynyñ eldi-mekenderin aralap, öñir tūrğyndaryna arnaiy kontsert berip qaitqan bolatyn. Sonymen qatar, joba üstimizdegi jyldyñ nauryz-säuir ailarynda Mañğystau, Atyrau, Batys Qazaqstan jäne Aqtöbe öñirlerinde jalğasty. Būl joly «Qazaqkontserttiñ» solisteri Qostanai oblysynyñ Jangeldin audany Torğai auyly, Saryköl audany, Arqalyq, Qostanai jäne Jitiqara qalalarynda öner körsetedi.