Roza Bağlanova atyndağy «Qazaqkontsert» memlekettik akademiyalyq kontserttik ūiymynyñ Klassikalyq öner bölimi Otan qorğaushylar küni men Jeñis künine arnalğan «Ūlylarğa tağzym» kontsertin ūsynady.

2022 jyly Qazaqkontsert ūltymyzdyñ ūly tūlğalarynyñ esimderin ūlyqtauğa, shyğarmashylyğy men önerin jaña qyrynan däripteuge bağyttalğan «Ūlylarğa tağzym» jobasyn jüzege asyrdy. Osy oraida, biyl joba atalğan mereke ayasynda jalğasyn tappaq. 

Halqymyzdyñ tarihy men mädenietinde esimi altyn ärippen jazylğan, ömiri men shyğarmashylyğy är azamatqa ülgi-önege bolarlyq köptegen tūlğalar bar.  Olardyñ ömirin bayandai otyryp, shyğarmalaryn nasihattau arqyly qazirgi qoğamdy otansüigishtikke, ūltjandylyqqa, birlikke shaqyrudy maqsat tūtqan «Ūlylarğa tağzym» kontserti Keñes Odağynyñ batyrlary, mergen Äliya Moldağūlova, Halyq qaharmany Sağadat Nūrmağambetov, aqyn-jyrau, änshi, kompozitor, Kenen Äzirbaev, änshi, Qazaqstannyñ halyq artisi Jüsipbek Elebekov, kompozitor, KSRO halyq ärtisi Sydyq Mūhamedjanov, Halyq qaharmany Raqymjan Qoshqarbaev, aqiyq aqyn, jazushy, qoğam jäne memleket qairatkeri Säken Seifullin, qazaqtyñ körnekti jazushysy Beiimbet Mailin syndy tūlğalardyñ mereitoilaryna arnalğan.  

Klassikalyq muzyka keshi Klassikalyq öner böliminiñ körkemdik jetekshisi, Qazaqstannyñ eñbek siñirgen qairatkeri, professor Azamat Jyltyrközovtiñ jetekshiligimen ötedi. Kontsertke Qazaqstannyñ eñbek siñirgen qairatkerleri Medet Chotabaev, Bibigül Janūzaq, Saltanat Ahmetova, «Qūrmet» ordeniniñ kavaleri  Aizada Kaponova, «Daryn» memlekettik jastar syilyğynyñ iegeri  Azat Mälik qatysady.

 Kontserttik bağdarlamada qazaq jäne shetel kompozitorlarynyñ äigili äuenderi men romanstary, sondai-aq soğys jyldaryndağy änder shyrqalady.