«ALEM SAZ» II Halyqaralyq muzyka festivali aldağy küz mezgiliniñ eñ mañyzdy mädeni sharalarynyñ birine ainalmaq. 27 qyrküiek pen 3 qazan aralyğynda elorda tūrğyndary men qonaqtaryna Qazaqstan, Türkiya, Japoniya, Vengriya, Germaniya, Päkistan, ispaniya jäne Reseidiñ eñ üzdik önerpazdary önerin körsetedi.

«ALEM SAZ» – älem elderi mädenietin shyğarmashylyq yntymaqtastyq arqyly bir platformada biriktiruge arnalğan halyqaralyq festival. Joba ūlttar mädenietin biriktiru, saqtau jäne damytu, älem elderiniñ tarihi mūralary men mädeni qūndylyqtaryna qūrmetpen qarau bağytyna negizdelgen. Halyqaralyq muzyka festivali elder arasyndağy dostyq bailanystardy keñeitu men nyğaituğa jäne öner salasyndağy halyqaralyq yntymaqtastyqty damytuğa arnalğan. Festival bağdarlamasynda sheteldik ärtisterdiñ kontsertteri, kinokörsetilimder, sändik-qoldanbaly öner körmesi jäne sheberlik sabaqtaryn ötkizu josparlanğan.

2022 jyly joba Qazaqstan men älemniñ 76 eli arasyndağy diplomatiyalyq qarym-qatynastarğa jäne AÖSShK (Aziyadağy özara is-qimyl jäne senim sharalary jönindegi keñes) qūrylğanyna 30 jyldyğyn merekeleu ayasynda alğash ret ūiymdastyryldy. Is-sharağa italiya, Germaniya, Ündistan, Resei, ispaniya, Belarus jäne Türkiya eliniñ muzykanttary qatysyp, 13 myñnan asa körermen tamashalady. «ALEM SAZ» festivaliniñ jabyluynda «ASTANA SAZY» qazaq memlekettik folklorlyq ansambliniñ «ZAMAN» atty jaña küitabağynyñ tūsaukeseri de ötti.

Is-shara QR Mädeniet jäne aqparat ministrliginiñ jäne QR Syrtqy ister ministrliginiñ qoldauymen, sondai-aq, Roza Bağlanova atyndağy «Qazaqkontsert» memlekettik kontserttik ūiymynyñ ūiymdastyruymen ötedi.