Qazaqkontsert süiikti körermenderin «FOLK SHOW» atty erekshe muzykalyq jobany tamashalauğa shaqyrady.

«FOLK SHOW» jobasy — dästür men zamanaui äuen toğysatyn äserli muzykalyq shou. Sahna törinde elimizge tanymal öner jūldyzdary men jetekshi shyğarmashylyq ūjymdary halyq muzykasyn jañasha bağytta ūsynyp, ony älemdik hittermen jäne kino saundtrekterimen sheber ūshtastyrady. Zamanaui muzykalyq kompoztsiyalar jaña quatqa ie bolyp, ūlttyq naqyshta qaita jañğyrady.

Bağdarlamada «Adai», «Mahambet», «Balalyq shaq», «Mahabbat beketi», «Taxi», «Pirates of the Caribbean», «Troya», «Gladiator», «Tattoo», «Libertango» jäne özge de tuyndylar oryndalady.

Joba avtory äri dirijeri – respublikalyq jäne halyqaralyq baiqaulardyñ laureaty, zamanaui muzykalyq önerdiñ jarqyn ökilderiniñ biri, Mädeniet salasynyñ üzdigi Ädilet Azbaev.

Is-sharada Qazaqkontserttiñ talantty önerpazdary, respublikalyq jäne halyqaralyq baiqaulardyñ laureaty Erbol Täjibaev, belgili qobyzshy Oljas Qūrmanbek, sondai-aq, «Astana sazy» Qazaq memlekettik folklorlyq ansambli, Qazaq memlekettik simfoniyalyq orkestri jäne G band öner körsetedi.

Būl – dästürli aspaptar men zamanaui yrğaq üilesim tapqan erekshe muzykalyq kesh. Öner keshi qazaq mädenietiniñ bailyğy men zamanaui shyğarmalardy tanytatyn ūmytylmas muzykalyq äserge böleidi. Qapy qalmañyzdar!