Qazaqstan Respublikasynyñ Mädeniet jäne aqparat ministrliginiñ qoldauymen Roza Bağlanova atyndağy «Qazaqkontsert» memlekettik kontserttik ūiymy 2023 jylğy 28 qarasha küni erekshe qajettilikteri bar daryndy balalar men jastarğa arnalğan «ARMAN ASULARY»  II respublikalyq  festivaliniñ Gala-kontsertin ötkizedi.

Gala-kontserttiñ ereksheligi – daryndy qatysushylardyñ elimizdiñ bas sahnasynda käsibi ärtistermen jäne shyğarmashylyq ūjymdarmen birigip öner körsetip, shyğarmashylyq täjiribe almasuy. Muzykalyq keshte «Qazaqkontsert» solisteri atap aitsaq, Qazaqstannyñ eñbek siñirgen ärtisi Aijan Nūrmağambetova, QR eñbek siñirgen qairatkerleri Saltanat Ahmetova, Nūrbolat Arzamasūly, Mädeniet salasynyñ üzdikteri  Perizat Tūrarova, Bauyrjan Bekmūhanbetov,  «Daryn» memlekettik jastar syilyğynyñ laureaty Azat Mälik, halyqaralyq konkurstardyñ laureattary Gülnar Köshenova, Älihan Düisenbai, Ädilhan Makin, Raim Uais, Erbol Narimanūly  jäne «Melomen» toby syndy qazaqstandyq öner jūldyzdary festival qatysushylarymen birge bir sahnada öner körsetedi.

Kesh qonaqtary: belgili änshi, respublikalyq, halyqaralyq än baiqaularynyñ laureaty, E. Rahmadiev atyndağy memlekettik akademiyalyq filarmoniyanyñ ärtisi Altynshash Mūqataeva  men Shymkent qalasy «Ümit» mektep-internatynyñ tärbielenushisi, «Jaña jūldyz» respublikalyq baiqauynyñ (2019), «JULDYZAI» balalar shyğarmashylyq festivaliniñ (2021) Gran-pri iegeri, HIII «Belaya trost» halyqaralyq festivaliniñ (Resei, Mäskeu) qatysushysy Aibyn Jūmabekov. 

Sonymen qatar festivalge arnaiy shaqyrylğan qonaq belgili rejisser äri stsenarist, «St.Art» äleumettik-mädeni qorynyñ jetekshisi Stanislav Tsih arnaiy sheberlik sağatyn ötkizedi.