Qazaqkontsert sizderdi añyzğa ainalğan «GULDER» ansambliniñ jeke kontsertine shaqyrady.

Körermen qauym öner men dästür üilesken qaitalanbas sahnalyq tuyndylarğa kuä bolady. Kontserttik bağdarlamada jaña horeografiyalyq kompozitsiyalar, ansambl ärtisteriniñ kreativti sahnalyq körinisteri men jarqyn muzykalyq nömirleri qamtylğan. Ärbir qoiylym - muzyka, bi, vokal jäne Emotsiyağa toly sahnalyq dramaturgiyanyñ üilesimdi sintezi. Kesh barysynda qazaq kompozitorlarynyñ shyğarmalarymen qatar, älemdik Estradanyñ jaña öñdeudegi nūsqalary da ūsynylady.

Sahnağa halyqaralyq baiqaulardyñ laureattary, «GULDER» ansambliniñ talantty balet ärtisteri men G-band muzykalyq tobynyñ muzykanttary shyğady. Sonymen qatar, is-sharada Qazaqstannyñ eñbek siñirgen qairatkerleri Gülsim Myrzabekova men Aizat Qarabek, «Daryn» memlekettik jastar syilyğynyñ laureattary Alibek Älmadiev, Ardaq Eleusiz jäne Ädilhan Makin, «Eren eñbegi üshin» tösbelgisiniñ iegeri Anna Uvarova, respublikalyq jäne halyqaralyq baiqaulardyñ laureattary Sūltan Ahmet pen Nūrmūhamed Säten, talantty skripkashy Meruert Baqyt jäne «Astana sazy» qazaq memlekettik folklorlyq ansambli öner körsetedi.

«GULDER» ansambli öz dästürin saqtai otyryp, zamanaui bağyttarğa da qadam basuda. Öner ūjymy mädeni mūrağa qūrmetpen qarap, jaña shyğarmashylyq täsilderdi batyl engizu arqyly körermenniñ jüregine jol tauyp keledi.

Ansambldiñ körkemdik jetekshisi - Abzal Ösimbek, bas baletmeister - Anvara Sadyqova.