«Bizdiñ järmeñke» - Respublika künine orai ūiymdastyrylğan ūlttyq öner men dästürli muzykanyñ merekelik keshi.

Kontsert sahnasynda Elmūra Jañabergen, Aigül Elshibaeva, Klara Tölenbaeva, Erlan Rysqali, Jaslan Kärim, Tolğanbai Sembaev, Perizat Omarbekova jäne basqa da tanymal önerpazdar bas qosady. Keshti Jasūlan Nauryzbaiūly men Erlan Rysqali jürgizedi.

Bağdarlamada halyq änderi men küileri, jyr-termeler, jeldirmeler jäne ūlttyq bi ūsynylady. Körermender «Qanekei, tilim, söileshi», «Inju-marjan», «Qūdaibergenniñ jeldirmesi», «Aqqu», «Kökarshyn», «Segiz ayaq», «Sanduğash», «Saryjailau» sekildi ūlttyq önerdiñ tañdauly tuyndylaryn tyñdai alady. Änder men biler Qazaq memlekettik «Astana sazy» folklorlyq ansambliniñ süiemeldeuimen oryndalady.

Keshtiñ erekshe bölikteriniñ biri - tört önerpazdyñ oryndauyndağy «Tenorlar sherui». Merekelik kontsert barlyq ärtistiñ qatysuymen shyrqalatyn «Sälem, Qazaqstan» änimen qorytyndylanady.

«Bizdiñ järmeñke» — qazaq halqynyñ bai muzykalyq mūrasy men ūlttyq ruhyn däripteitin, eldik pen birlikti ūlyqtaityn tağylymdy kesh.