Qazaqkontsert belgili jyrau, folklor zertteushisi, Qazaqstannyñ eñbek siñirgen qairatkeri Almas Almatovtyñ 70 jas mereitoiyna orai «BIZDIÑ JÄRMEÑKE» - jyr-dastan kontsertin ūsynady.

«Bizdiñ järmeñke jyr-dastan» kontserti ūlttyq öner men jyr dästürin ūlyqtaityn tağylymdy ruhani kesh. Kontsertte qazaqtyñ bai mūrasy, terme-tolğaular men dästürli änder oryndalyp, körermenge tereñ mazmūndy, äserli öner keshi ūsynylady. Būl shara jyr öneriniñ qadirin arttyryp, ūlttyq qūndylyqtardy nasihattaityn erekshe mädeni kesh bolady.

Almas Almatovtyñ oryndaushylyq sheberligi büginde tek elimizde ğana emes, shetelderde de keñinen mälim. Ol qazaqtyñ jyrshylyq dästürin Mäskeu, Samarqant, Parij qalalarynda däriptedi. Sondai-aq 1980 jyly Frantsiya, italiya, Shveitsariya elderinde ötken «Folklorlyq muzykalyq turne» jäne Moñğoliyada «Aziya halyqtarynyñ muzykalyq simpoziumyna» qatysyp, önersüier qauymğa adamzat mädenietiniñ bağa jetpes mūrasy retinde tanystyra aldy. Söitip Europa eli qazaq önerine tağy bir märte tänti boldy.

Odan bölek onyñ jyraulyq öneri turaly Pensilvaniya (AQSh) universitetiniñ doktory, politolog Bavna Daven zertteuler jazyp, belgili tiyrkolog, folklorist Hirosi Onava ol jaiynda derekti film tüsirgen. Altyn Ordanyñ 570 jyldyğyna orai «Er Edige» jyryn jobanyñ avtory jäne jetekshisi retinde A. Almatov muzykalyq-Epos küiinde ontologiyalyq jinaq etip shyğaruğa atsalysty. 1990 jyly jyraulyq önerdi nasihattau maqsatynda Qorqyt ata atyndağy Qyzylorda universitetiniñ janynan dästürli muyzkalyq öner kafedrasynyñ negizin qalady.

Is-sharağa «Halyq qazynasy» ūlttyq öner ortalyğynyñ ärtisteri jäne dästürli önerdi nasihattap jürgen elimizdiñ tanymal önerpazdary qatysady.

Ūltymyzdyñ ūly mūrasy ūlyqtalatyn biregei sharadan qapy qalmañyz!