30 qazan küni «Birlik» bi ansambli körermenderdi älem halyqtarynyñ mädenieti men ūlttyq dästürlerin toğystyratyn jarqyn muzykalyq-horeografiyalyq keshke shaqyrady.

Kontsert bağdarlamasynda qazaq, orys, özbek, tatar, ündi, gruzin jäne basqa da halyqtardyñ bileri ūsynylady. Är qoiylym belgili bir halyqtyñ bolmysyn, tarihyn jäne ruhani mūrasyn özindik boyauymen tanystyrady.

Keshtiñ erekshe tartuy — jaña qoiylymdar: jalyndy gruzin bii men körkem örnekke toly ündi bii. Bağdarlama «Astana Sazy» Qazaq memlekettik folklorlyq ansambliniñ jandy süiemeldeuimen oryndalady. Sonymen qatar kontsertke «Qazaqkontserttiñ» solisteri de qatysady.

Körermenderdi ūlttyq äuender, san aluan dästürli kostiymder men äserli horeografiya älemine jeteleitin jarqyn muzykalyq sayahat kütude. Bir sahnada türli mädenietter toğysyp, önerdiñ ortaq tilinde syr shertedi.

Är halyqtyñ öz äueni, är bidiñ öz tarihy bar. Al olardy biriktiretini — «Birlik»!