«Roza Bağlanova atyndağy «Qazaqkontsert» memlekettik kontserttik ūiymynda belgili dirijer, Qazaqstannyñ eñbek siñirgen qairatkeri Renat Salavatov «Musical journeys» atty klassikalyq muzyka kesh ötkizedi. Is-sharada körnekti skripkashy, Qazaqstannyñ Halyq ärtisi, «Qazaqstannyñ Eñbek Eri», Qazaq memlekettik simfoniyalyq orkestriniñ dirijery Aiman Mūsahodjaeva jäne Qazaqstannyñ eñbek siñirgen qairatkeri, professor, QazŪÖU fortepiano kafedrasynyñ meñgerushisi Sara Asabaeva elordalyq önersüier qauymdy erekshe äuendermen tamsandyrady. 

Kontsert bağdarlamasynda kelesi tuyndylar oryndalady:

1. T. Qajğaliev. «Dala añyzy» baletine arnalğan üzindi.

2. L. Liberman - Skripka men orkestrge arnalğan kontsert, Or. 74

3.L. Liberman. Ishekti aspaptar orkestrimen skripka jäne fortepianoğa arnalğan kameralyq kontsert, №1, Or. 28.

4. S. Prokofev. Klassikalyq muzyka №1, or. 25.

5.T. Qajğaliev. «Dala añyzy» baletine arnalğan «Qyz quu» siyitasynan üzindi. 

Qazaq memlekettik simfoniyalyq orkestri Qazaqstannyñ muzykalyq öneri men oryndaushylyq dästürin shet elderde tanytyp, halyqaralyq mädeni bailanystardy damytyp keledi. Öner ūjymy jyl saiyn Resei, Avstriya, izrail, Germaniya, AQSh, Norvegiya jäne Shvetsiyanyñ älemge äigili oryndaushylarymen shyğarmashylyq bailanysta jäne arnaiy kontserttik bağdarlamalar ūiymdastyryp jür. Orkestrdiñ bas dirijeri – QR Eñbek siñirgen qairatkeri, QazŪÖU professory Baqytjan Mūsahodjaeva.