Kontserttik bağdarlamada körnekti mädeniet maitalmandarynyñ izin
jalğastyrushy baletmeisterler men bishiler özderiniñ käsibi
sheberlikteriniñ syrlarymen bölisedi. Ekinshi kontserttik mausym bastalar
aldynda aty añyzğa ainalğan «Gülder» ansambli bishileriniñ daralyğyn
ashatyn, negizinen jeke oryndaudağy nömirlerden qūralğan arnaiy
kontserttik bağdarlama ūsynady. Is-sharağa kompozitor, QR Eñbek siñirgen
qairatkeri Serik Erkimbekov jäne «Qazaqkontserttiñ» solisteri Dana
Moldağalieva, Ardaq Eleusiz, Venera Tabys qatysady.
Aita keterligi, köptegen horeografiyalyq shyğarmalardy önerpazdar
täjiribelik jūmys retinde sahnalaidy. Elorda tūrğyndary men qonaqtary
halyq-sahnalyq bilerdiñ jekelegen türlerin, ūlttyq taqyryptağy zamanaui
horeografiyany, sondai-aq alğash ret ūsynylatyn birneshe toptyq bilerdi
tamashalai alady.
Is-shara barysynda körermenderge önerdiñ ärtürli salalaryndağy: halyq
biinen zamanaui horeografiyağa deiingi bilerdi ansambl ärtisteri men
horeograftary ūsynady. Kontserttik bağdarlama jas ärtister men jañadan
bastap kele jatqan horeograftardyñ käsibi biliktiligin ashatyn jeke
qoiylymdardy qamtidy. Jobanyñ maqsaty – «Qazaqkontserttiñ» jetekshi
kompozitorlarymen jäne muzykanttarymen shyğarmashylyq
yntymaqtastyqty damytu.
Teoriyalyq sholu ayaqtalğannan keiin körermender özderiniñ körkemdik
qabiletterin damytu maqsatynda käsibi oryndaushylarmen birge bilei
alady.
Eske sala keteiik, «Gülder» bi tobyn jañğyrtu jobasy 2022 jyldyñ
tamyz aiynda bastalğan bolatyn. Ūjymğa shyğarmashylyq oqu
oryndarynyñ tülekteri alyndy. Jobağa daiyndyq kezinde «Gülder»
ansambliniñ mūrağattyq materialdary mūqiyat zerdelenip, toptyñ «altyn
qorynan» eñ üzdik nömirler iriktelip alyndy. Täjiribeli tälimger retinde
bas baletmeister Anvara Sadyqova shaqyryldy.